Prezidente Repúblika iha opsaun barak, maibé dalan ida mak sei hili. Nu’udar solusaun ne’ebé di'ak liu ba Estadu Timor-Leste.

“Tempu mós la’o ba daudauk. Depois maka ita sei haree kona-ba situasaun ne’ebé maka agora daudaun akontese ne’e”, dehan PR Francisco Guterres ‘Lú-Olo’, iha Komponente Navál, Hera, Sesta (12/1).

Nia esplika, iha opsaun balun ne’ebé oras ne’e daudauk iha opsaun governu unidade nasionál ho eleisaun antesipada.

“Desizaun husi Prezidente Repúblika maka bele rona opsaun ne’e to’o sanulu ka ruanulu de’it, maibé to’o ikus desizaun ida de’it maka Prezidente Repúblika nian,” tenik nia.