Nia haktuir, bispu na’in tolu liuliu Don Basílio do Nascimento rasik mak fó apoia totál ba PM Alkatiri atu determina povu ho nasaun nia moris, maibé laiha ema ida tan mak atu ukun nasaun ne’e.

Xefe Governu ne’e haktuir, Bispu rasik la presiza haree ba kór relijiaun, maibé apioia VII Governu Konstitusionál ne’e hodi ukun nasaun ne’e.

“Agora Amu Bispu rasik mak apoia ha'u atu ukun lidera VII Governu, ema Katólika sira mak hahú ataka Amu Bispu sira”, dehan Alkatiri.

Nu'udar Primeiru Ministru, la komprende saida mak sarani Katólika sira halo ataka hasoru Bispu.

Nia dehan, asume kargu Xefe Governu la'ós foti desizaun rasik, maibé sosiedade no relijioza rasik mak fó apoia totál hodi lidera Governu atu determina povu nia moris iha futuru.