"Husu ba dirijinte eskola no professor sira atu kontinua asegura labarik sira atu labele abandona prosesu aprendijazen durante tempu kampaña no rejistu infrasaun dixiplinár ba profesór neebé la marka prezensa,”dehan nia ba jornalista sira liu husi konferensia impreza, iha salaun MSSI, kinta nee (24/02).
Nia afirma, professor sira mantein kompromisu atu labele abandona labarik sira, iha tempu kampaña, tanba labarik sira iha direitu atu partisipa iha prosesu aprendizajen.
"Labele fo lisensa ba alunu sira atu ba partisipa kampana durante prosesu aprendizajen, tanba ho esesaun ba estudante sira neebé eleitor liu tinan 17 mak bele partisipa, no mós kuidadu imi nia isin lolon, karik imi sai vitima ba violensia ruma ho brani atu koalia sai,”haktuir nia.
Nia akresenta, iha periodu kampaña kandidatu no partidu politiku sira hotu, hahú husi eleisaun jéral 2007, 2012, 2017 no 2022 involvimentu labarik kontinua ass.
Tanba nee, INDDICA hamutuk ho nia parseiru hotu neebé servisu ba direitu no protesaun ba labarik, rekomenda ba kandidatu, partidu polítiku no Entidades sira hotu atu asegura no fó protesaun ba labarik husi risku sira durante periòdu kampaña eleisaun.
Entretantu, Prezidente Repúblika, Francisco Guteres Lú Olo dekreta ona loron kampaña eleisaun prezidensial neebé, sei hahú iha 2 to’o 16 marsu no loron votasaun iha 19 marsu 2022.
