Nia dehan, tempu to'o ona hili lideransa foun nu'udar feto ida. Lalikan hili tan lider no katuas sira, tempu to'o tenke hili lideransa foun hodi hadi’a fatin rai ida ne'e.
Entretantu, sei kontinua hili nafatin ba sira ne'ebe kaer ukun ona, realidade mak hatudu ona ba povu katak kondisaun em jeral laiha mundansa.
"Ita hili sira ba tuur iha ne'ebá atu ukun no serbi povu, maibe sira proteje oinsá mak proteje sira-nia aan ba direitu no luta sira-nia direitu rasik," dehan Ângela, iha merkadu Atabae, Sesta (11/3).
Nia dehan, tenke muda mentalidade sei ko’alia kona-ba merkadoria besik fronteira no tempu to'o ona atu halo mundansa, tempu to'o ona sidadaun hotu-hotu proteje direitu hanesan sidadaun Timor-Leste. La’ós hili sira ba tuur no haluha sira-nia responsabilidade oinsá servi povu, sei hili nafatin ba sira povu ho matan-been.
Tenki mai ho figura foun no vizaun foun, presiza lideransa ho interigidade, lideransa iha kapasidade .
Observasaun diariu ne’e, kandidatu Ângela halo mini kampana ba negosiante sira iha merkadu Atabae no ekipa susesu sira kontinua fahe broxura negosiante no komunidade sira, nune’e hetan seguransa husi PNTL no observa direta husi CNE.
