“Mari Alkatiri bele garante estabilidade ba iha governasaun ne’e, maibé atu garante estabilidade iha garante ne’e mós la'ós Mari de'it, maibé ema seluk mós bele, Mari Alkatiri ne’e sai hanesan ema ida ne'ebé kondutór”, tenik nia.

Haree ba nasaun ne’e iha sistema polítika iha buat rua iha estrutura polítika no sub-polítika ho infraestrutura polítika. Tanba ne’e, sistema rua ne’e mak interasaun iha nasaun nia laran tenke la’o hamutuk.

Tuir nia hanoin, Alkatiri bele ka labele ne’e ninia serbisu atu oinsá maka hakuak no koopera hamutuk ho órgaun haat Prezidente Repúblika, Parlamentu Nasionál, Tribunál Rekursu inklui Governu.

“Meius saida primeiru ita haree kuaze orgaun tolu ne’e, tanba hare ba forsa polítika órgaun tolu ne’e FRETILIN mak lidera Prezidente Repúblika, Prezidente Parlamentu Nasionál agora Governu nian Mari Alkatiri ba tan tolu ona, ne'ebé haree ba intermu ba leten ne’e sei metin entre sira”, hateten nia.

Maski nune’e, membru sira iha kraik ne’e mak tenke servisu ne'ebé ho transparente no akuntabel.

“Iha kraik ne’e ninia problema mak kuandu iha leten ne’e halo loloos, di'ak, transparente no akuntabel ha'u sente laiha problema”, tenik nia.

Tanba ne’e, Francisco dehan, governasaun ne'ebé atu la’o di'ak ukun na’in sira tenke ukun ne'ebé ho transparénsia hodi planu sira ne'ebé implementa bele ezekuta hodi di'ak.

Importante liu mak, sé mak sai primeiru ministru tenke tau regra ne'ebé rigorozu atu governu ne’e labele falla.

Nia hatutan, tenke hili mós ema ne'ebé iha kapasidade hodi halo planu ne'ebé di'ak no atu implementa di'ak liután.

Nune’e, primeiru ministru mós tenke kontrola membru governu ne'ebé halo planu, tenke iha avaliasaun no prova sira nia servisu.