Xina Oferese Ekipamentu ba F-FDTL Hodi Halo Ezersisiu Featured

By Domingos Gomes Marsu 14, 2024 145
Governu Repúblika Xina liu husi nia Embaixadóra iha Timor-Leste oferese ekipamentu GYM ba instituisaun F-FDTL, liu husi Xefi Estadu Maiór Jenerál F-FDTL, Tenente Jenerál, Domingos Raul ‘Falur Rate Laek’, nune’e bele uza hodi fasilita militár sira halo ezersisiu. Foto:INDEPENDENTE. Governu Repúblika Xina liu husi nia Embaixadóra iha Timor-Leste oferese ekipamentu GYM ba instituisaun F-FDTL, liu husi Xefi Estadu Maiór Jenerál F-FDTL, Tenente Jenerál, Domingos Raul ‘Falur Rate Laek’, nune’e bele uza hodi fasilita militár sira halo ezersisiu. Foto:INDEPENDENTE.

DILI: Governu Repúblika Xina liu husi nia Embaixada iha Timor-Leste oferese ekipamentu GYM ba instituisaun FALINTIL-Forsa Defeza Timor-Leste (F-FDTL), nune’e bele uza hodi fasilita militár sira halo ezersisiu.

Xefi Estadu Maiór Jenerál F-FDTL, Tenente Jenerál, Domingos Raul ‘Falur Rate Laek’ hatete, Governu Xina hala’o doasaun desde tempu uluk, inklui halo diplomasia apoiu povu Timor-Leste nia luta ba ukun rasik aan.

"Sira apoiu ita ne'e barak ona hanesan ekipamentus, formasaun meius oioin sira fó ba ita, inklui edifisiu Kuartel Jenerál Fatuhada ne'e sira mak halo fó ba ita, agora ita mak tenke hatene, sira fo ho domin ita mos simu ho domin,"Dehan  Domingos ba Jornalista sira iha kuartel Jenerál Fatuhada Dili, (13/03).

Nia dehan, uluk governu xina apoiu iha diplomasia ba Timor-Leste nia luta too ukun aan, agora sira apoiu ekipamentus inklui infraestrutura seluk, formasaun militar atu hadia dezenvolvimentu.

"Ita nia militár kuaze 100 ital efetivus mak hetan formasaun iha Xina, inklui vizita ró ahi  militar mai halo tratamentu  Timor oan  ema rihun ba rihun nia saude," subliña nia.

 fatin hanesan Embaixadora Xina iha  Timor Leste, Wang Wenli hateten,  Timor Leste ho Xina iha relasaun bilateral ne'ebé diak hahú kedas luta Timor-Leste ba ukun to'o agora nafatin apoiu saida Governu presiza tuir nesesidade nasaun nian.

"Ami hanesan nasaun ida ne'ebé mak apoiu Timor  iha tempu uluk to'o Timor-Leste ukun aan ami  sei apoiu nafatin to'o agora ba dezenvolvimentu," dehan nia.

Tanba ne'e apoiu ekipamentus ba militar ne'e Governu liu husi Ministru Defeza Xina ho Ministru Defeza  Timor-Leste ne'e sei iha relasaun ne'ebé mak diak liu atu nune'e ba oin sei apoiu tan.

"Ami mos apoiu parte rekursu nian, haruka ona Forsa husi Timor-Leste ba iha Xina hodi estuda, tanba iha parte Defeza nian ami iha esperansa katak  sei apoiu hodi dezenvolve di'ak instituisaun militár iha nasaun TL,"

Tanba ne'e Embaixadara Xina iha Timor-Leste ne'e iha esperansa katalz iha tempu Xefi Estadu Maiór Jenerál F-FDTL Tenente Jenerál Domingos Raul Falur "Rate Laek" sei hametin di'ak liu tan relasaun Xina ho TL.

"Ami mos espera katak agora iha tempu Jeneral Falur nian espera Xina ho Timor Leste bele iha relasaun diak liu tan, " hakotu nia.

Entretantu ekipamentus GYM ne'ebé oferese husi governu Xina ne'e  Komandu F-FDTL sei distribui ba Militar sira husi  komponente no Unidade sira atu halo ezersisiu hadia sira nia saúde asegura seguransa ba povu no nasaun.

Rate this item
(0 votes)
Last modified on Segunda, 18 Marsu 2024 09:53

Independente Digital TV