Traballadór hirak ne’e kompostu husi mane 280 no feto 200, maibé kompaña sei fó uluk oportunidade ba ema na’in 400 ne’ebé sei ba servisu iha Austrália ho durasaun fulan sia (9) no na’in 80 seluk sei hein oportunidade tuir mai.
Sekretáriu Estadu Formasaun Profisionál No Empregu (SEFOPE), Rogério Aroujo Mendonça hatete, kandidatu ne’ebé tuir teste ne’e kompnha sei kontratu uluk ema na’in 400 ba servisu iha kompanha MADEC iha Australia no na’in 80ne’e sei hein oportunidade ne’ebé tuir mai.
“Objetivu loron ohin mak abertura teste ba Kandidatu Traballadór hamutuk ema na'in 480, parte husi Governu hakarak hato'o ba ita-boot sira mak tenke prepara an, ohin kompania sira mai iha fatin ida ne'e hodi sukat imi nia, kapasidade, abilidade no atitude,” dehan nia ba jornalista sira iha Salaun Novo Turizmu, Kuarta (13/03)
Governante afirma, husi kandidatu hirak ne’e maioria ka iha 75% mak naran iha ona sistema no 25% sei foun.
Iha biban ne’e, Sekretáriu Estadu agradese ba kompaña MADEC, tamba bele ajuda estadu ida ne'e hodi fó oportunidade ba jovem Timoroan sira ba servisu iha Austrália hodi nune’e bainhira fila bele hadia ekonomia familia no ekonomia rai-laran.
Iha fatin hanesan, Unit Operations Officer MADEC, Louse Williams hatete, sira kontinua halo rekrutamentu tanba traballadór Timoroan tanba nia dezempeñu di’ak liu no traballadór Timoroan barak liu mak MADEC emprega ona.
“Traballadór Timor sira nia dezempeñu mak di’ak tebes konsidera hanesan diak tebes no traballadór Timoroan sira mak númeru boot mak MADEC emprega ona,” dehan Louse.
Tanba ne’e, Louse Williams husu ba Timoroan sira ne’ebé buka hela servisu atu prepara an liliu iha abilidade ingles, la’os inglés ida ne’ebé aas liu maibé importante báziku no atetude sira.
Enkuantu antes ne'e, kompañia MADEC husi Austrália mós emprega ona Timoroan hamutuk ema na'in 1.500 ne'ebé mak ba servisu iha Austrália iha área oi-oin.
