Sekretáriu Estadu Kooperativa, Arsénio Pereira da Silva hatete, hahú husi "hulur to Hilir", agora dadaun tama ona post kuilleta parte téknika SEKoop sei akompañamentu ba produtu kooperativa ni’an ne'ebe sira prodúz.

“Ida-ne'e hau nia primeiru vizita no hala’o aktividade iha Munisípiu Bobonaro ho nune'e hau husu ba produtór sira tenki prodúz halo barak liu tan, rai barak ne'ebe mak sei abandona ba futuru bele halo transforma sai rai produtivu hodi fo benefisiu ekonomiku ba komunidade,”  Dehan Sekretáriu Estadu Kooperativa, Arsénio  liu husi Komunikadu imprensa ne'ebe  INDEPENDENTE asesu iha Pájina SEKoop,Tersa (12/03).

Sekretáriu Estadu Arsénio dehan, dahuluk mak fornese ba merkadu iha rai-laran no seluk mak fornese ba merenda eskolár hamutuk ho produtu sira seluk hodi reprezenta karbohidrat

“Husu ba empreza kiik no média sira inklui sektór privadu sira ba futuru atu halo investimentu ba iha produto bafo Kayrala, tanba produtu refere hanesan produtu industrializasaun hun ida, bele produz sai produtu final  hamutuk 30 resin, ba ai-han ema no animal ni’an. Maibe iha rai laran absolve ona mak sei prosesa Bafo Kayrala sai produtu final hodi exporta ba li’ur,” Nia relata.

Iha Fatin hanesan, Prezidente Autoridade Munisípiu Bobonaro, Alexandre Pires, aprésia no kontenti tanba SEkoop ninia programa diak ba povu sira iha área rural sira.

“Ba dahuluk hau aprésia no kontenti, tanba sua Exelénsia Sekretariu estadu ninia programa diak ba povu iha área rural, no husu ba produtór sira atu kultiva halo barak liu tan iha rai ne'ebe mak sei abandonadu hela,” Nia husu.

Purtantu SEKoop identifikadu ona rai  iha teritóriu laran tomak hamutuk 710 hektares no iha Munisípiu Bobonaro rai hektares 60, maibe foin mak kuda Bafo Kayraka hamutuk hektares 11.