Nia dehan, hamutuk ho delegasaun hetan kovida husi Primeiru Ministru atu halo aprezentasaun ba Konsellu Ministru (KM) kona-ba situasaun CPLP nian, tanba governu foun tan ne’e ministru hotu-hotu prezisa atu hatene atividade saida sira, atu iha posibilidade CPLP dezenvolve, kuadro orientadór preside ba CPLP
“Ohin ha’u senti katak sai onra boot ida ba ha’u ba CPLP tomak no ba delegasaun tomak ne’ebé mai ho ha’u bele halo aprezentasaun ida ne’e ba Primeiru-Ministru no Konsellu Ministru tomak no ha’u senti diskusaun ida ke diak to’o agora,” dehan Ezekutivu iha Palasiu Governu, Kinta (13/07).
Ezekutivu afirma, Timor-Leste iha hela prosesu atu tama ba ASEAN, tan ne’e importante mak tenki hatene vantajen ne’ebé hetan iha CPLP la’os polítiku de’it maibé inkliu mós apoiu finanseiru ba dezenvolimentu projetu sira.
“Timor desde 2002 tama ona CPLP, importante mak Timor hatene vantajem saida mak Timor bele hetan nudar memnru CPLP, no vantajem la’os iha entermus polítiku maibé vantajen sira hanesan apoiu finanseira ba dezenvolvimentu projetu,” katak nia.
Enkuantu, dadaun estrutura CPLP kontinua servisu konsentra liu ba-iha aspetu importante sira hanesan haforsa polítika diplomátika, aspetu kooperasaun no lia-portugés no área prioridade seluk tan ne’ebé sei fó benefisiu ba povu no país membru sira tuir vizaun estratéjika foun CPLP nian ba oin.
Entertantu, Durante hala’o aprezentasaun, Xefe Governu fó mós orientasaun polítika kona-ba programa Governu Konstisionál define, iha Timor nia polítika esterna ho prinsípiu ida- ne’ebé konsagra sentidu independénsia no soberania mak “ba Timor-Leste, la aliadu ka inimigu, hotu-hotu sei hamutuk no amigus de’it.
Ida ne’e sai Timor nia lema, ne’ebé sei orienta iha relasaun esterna, iha konjuntura internasionál ne’ebé liga ba kooperasaun ho CPLP, PALOP no ASEAN nian.