Koordenadór Programa Eleisaun Demokratika no Inkluzivu, Nelson Ximenes hatete, relasiona ho lei ne'ebé prezidente veta, sai difikuldade tebes ba tipu ema ho difisiensia sira hanesan defisiénsia matan no psiko-sosiál tanba sira-nia partisipasaun iha eleisaun ne'e difísil.
Nune’e, ADTL, konvida makfoti desizaun sira husi Parlametu Nasionál, atu rona direita sira opiniaun kona-ba lei ne'ebé prezidente veta.
“Relasiona ho lei ne’ebé prezidente veta ne’e didfikuldade maka’as ba maluk defisiénsia sira, liliu ba sira ne’ebé defisiénsia matan, psiko-sosial no mentál, entaun sira-nia partisipasaun difísil, tan ne’e ita konvida makfoti desizaun sira atu rona direita husi sira kona-ba lei ne’e PR veta ona ne’e bele amenda fali ba PR hodi promulga fali ka lae,” dehan Koordenadór iha Salaun Otél Timor Kolmera, Kinta (14/03).
Tan ne’e, sira rekomenda ba makfoti desizaun sira atu haruka fali lei refere, ba Prezidente Repúblika hodi promulga, tanba defisiénsia barak tuir eleisaun la segredu.
iha fatin hanesan Vise Prezidente Parlamentu Nasionál, Maria Teresinha Vieigas hatete, lei ne'ebé tinak kotuk PN aprova, iha faktu atu halo melloramentu hodi envolve partisipasaun ema ho defisiénsia iha eleisaun, maibé lei refere, antes tama ba eleisaun la hetan promulgasaun.
Vise Prezidente PN haktuir, haré ba rekomendasaun husi ADTL nian, atu lei refere vigora fila-fila, deputadu sira sei subskreve fali ba proposte ne'ebé mak hetan veta.
“Rona sira nia rekomendasaun katak atu lei ne’e vigora fila-fali ami deputadu sira tenki subs-kreve fila-fali ba proposta ne’ebé mak veto ona,” dehan deputada
Entretantu, Rekorda katak, Prezidente Repúblika (PR) José Ramos Horta veta lei alterasaun eleitorál, tanba iha eleisaun prezidensial la funsiona no ladún kontrola ho di’ak.