ADTL-Plan Internasionál Lansa Relatoriu Asesmentu Ba Partisipasaun Ehd Iha Prosesu Eleisaun Featured

By Ivonia Varela Marsu 15, 2024 959
Asosiasaun Defisiénsia Timor-Leste (ADTL), hamutuk ho parseria Plan Internasionál Timor-Leste (PITL) ne'ebé hetan apoiu husi Uniaun Europeia lansa relatóriu avaliasaun rápidu ba ema ho defisiénsia., salaun Hotel Timor (14/03/24). Foto:Media ADTL. Asosiasaun Defisiénsia Timor-Leste (ADTL), hamutuk ho parseria Plan Internasionál Timor-Leste (PITL) ne'ebé hetan apoiu husi Uniaun Europeia lansa relatóriu avaliasaun rápidu ba ema ho defisiénsia., salaun Hotel Timor (14/03/24). Foto:Media ADTL.

DILI: Asosiasaun Defisiénsia Timor-Leste (ADTL), hamutuk ho parseria Plan Internasionál Timor-Leste (PITL) ne'ebé hetan apoiu husi Uniaun Europeia lansa relatóriu avaliasaun rápidu ba ema ho defisiénsia.


Koordenadór Programa Eleisaun Demokratika No Inkluzivu, Nelson Ximenes hatete, peskiza nee ADTL hamutuk ho Plan Internasional hala’o iha tinan 2023 no hetan apoiu husi Uniaun Europeia (UE) ne'ebé hala'o iha munisípiu hitu.
“Peskiza ne’e ami hala’o iha tinan kotuk hamutu ho Plan Internasionál ne’ebé hetan apoiu husi UE ne’ebé ami foti sampel ne’ebé besik Dili no dook husi Dili,” dehan Koordenadór iha Otél Timor Kolmera, Segunda (14/03).
Nia dehan, partisipasaun ema ho defisiensia sira-nia iha prosesu eleisaun hatudu katak iha pursentu 27% mak vota ba dala hotu ona, pursentu haat vota dala-sia, pusesntu tolu vota dala neen, pursentu ida vota dala ualu no pursentu ida vota dala 12.
Iha fatin hanesan, Diretora Interina Plan Internasional Timor Leste Fátima Estrela Soares hatete, Plan Internasionál nia servisu foku mós ba área inkluzaun inklui iha prosesu eleisaun.
“PITL iha komitmentu no papél ida ne'ebé sira halo mak oins’a atu servisu hamutuk ho organizasaun sosiedade sivíl haforsa nafatin papél no oinsá atu ko’alia sai atu hamutuk haree deskobre liu tan bareira ne'ebé ema ho defisiensia hasoru,” dehan nia.
Enkuantu, peskiza ne'e sira halo ona iha munisípiu Aileu, Baucau, Bobonaro, Dili, Likisa, Manatuto no RAEOA.

Rate this item
(0 votes)
Last modified on Sexta, 15 Marsu 2024 11:04

Independente Digital TV