PM Xanana Husu Kandidatu Profesóres Bainhira Laliu Teste, Labele Lakon Esperansa Featured

By Ivonia Varela Marsu 15, 2024 1675
Kandidatura ba Bolsa kandidata sira tuir ona teste, iha Salaun CFP, Matadoru, Dili, (15/03/24). Foto: INDEPENDENTE. Kandidatura ba Bolsa kandidata sira tuir ona teste, iha Salaun CFP, Matadoru, Dili, (15/03/24). Foto: INDEPENDENTE.

 

DILI: Primeiru Ministru (PM), Kay Rala Xanana Gusmäo husu ba kandidatura bolsa kandidata ne’ebé tuir teste bainhira la liu labele lakon esperansa maibé prepara aan nafatin hodi hein tempu tuir mai.

Primeiru Ministru dehan, lalika lakon esperansa katak bainhira laliu karik la iha ona, maibé prepara aan ba okaziaun seluk tanba edukasaun rasik mós presiza hadia nafatin sistema.

Tanba iha área rurais labarik barak sira la konsege ba eskola tanba dook husi vila, inan-aman terus tebes lori sira ba vila hela iha ne’ebé, dezenvolvimentu iha Timor la’os hotu-hotu mai hela iha Dili, ne’e duni sira ne’ebé laliu karik lalika esperansa maibé prepara aan hein nafatin, no husu ba profesor sira ne’ebé iha ona ninia rejime rasik ne’e hakas an ba,”” dehan PM iha Salaun KFP Matadoru, Sesta (15/03).

PM afirma, nune’e mos ba kandidatura na'in rihun 13 ne'ebé tuir teste refere bainhira liu labele kontenti tanba hetan osan maibé kontenti ba tanba hetan ona misaun ida ne'ebé importante tebes atu eduka oan sira.

Primeiru Minsitru esplika, iha estadu ida servisu iha edukasaun no saúde la'os fatin atu manan osan de'it maibé ne'e hanesan misaun ida atu servi ema.

“tanba iha servisu rua iha estadu la’os fatin atu manan deit osan ne’e misaun, misaun ne’e atu serbi atu fó, servisu rua ne’e mak edukasaun no saude,” katak PM.

Iha biban ne'e, primeiru ministru mos husu favór ba manorin na'in sira ne'ebé hanorin iha ensinu báziku no sekundariu atu haré didiak estudante sira, tanba atu forma ema nia karakter foun ne'e hahú husi labarik.

PM Salienta, maske iha nonu governu konstituisionál ezije hadi'a kualidade profesór iha universitariu maibé la haré uluk husi ensinu báziku sei la rezolve.

Rate this item
(0 votes)

Independente Digital TV