Profesór Na’in 13.021 Hahú Ona Tuir Teste Bolsa Kandidata Featured

By Ivonia Varela Marsu 15, 2024 1824
Profesór  Na’in 13.021 Hahú Ona Tuir Teste Bolsa Kandidata, iha salaun CFP, Matadoru, Dili, (15/03/24). Foto:INDEPENDENTE. Profesór Na’in 13.021 Hahú Ona Tuir Teste Bolsa Kandidata, iha salaun CFP, Matadoru, Dili, (15/03/24). Foto:INDEPENDENTE.

DILI: kandidatura Profesór ba bolsa kandidata na’in 13.021 hahú ona tuir teste elektróniku ne’ebé realiza husi Komisaun Funsaun Públiku (KFP), Ministériu Edukasaun (ME) no hetan apoiu Organizasaun Naun Governamental BELUN.


Iha ámbitu ne’e, Ministra Edukasaun Dulce de Jesus hatete, kandidatura bolsa kadidata hamutuk 13.021 ne’ebé atu sai manorin iha ME hahú ona tuir teste elektróniku iha Komisaun Funsaun Públiku.
“Ohin ME hamutuk ho KFP no ápoiu husi ONG BELUN halo ona teste elektróniku ba bolsa kandidatu profesores ka ema ne’ebé mak iha futuru atu sai profesores hanorin iha Ministériu Edukasaun nia okos ba na’in rihun 13.021,” dehan Ministra Iha KFP Matadoru, Sesta (15/03).
Ministra dehan, ba kandidatura ne’ebé tuir ona teste rezultadu fó sai kedas, no ema hotu bele akompaña, tan ne’e sira ne’ebé hakarak akompaña bele ba iha eskritóriu KFP nian.
Ministra afirma, fasilidade teste iha KFP dadaun ne’e iha komputadores atus rua (200) tan ne’e kada loron sei fó teste ba kandidatura na’in 500 to’o 600.
Iha fatin hanesan, Prezidente KFP, Agustinho Letêncio de Deus dehan, teste ne’e sei garante nia kualidade tanba sira uza intranet, ne’ebé internalmente bainhira sira tuir teste iha laran públiku bele akompanha husi ekran iha liur.
“teste ne’ebé hala’o la uza internet maibé uza intranet tan ne’e ita boot sira bele hare iha ekraun ida ne’e benhira sira teste iha laran ema iha liu bele hare, tan ne’e intranet ita bele asesu hotu dadus no ema nia resposta hotu iha kada momentu ne’ebé nia responde númeru id abele akapta kedas,” Nia Esplika.
Iha biban ne’e, Prezidente Parlamentu Nasionál, Maria Fernanda Lay, enkoraza ministériu hotu-hotu iha selesaun ba funsionáriu sira tenki uza sistema ne’e.
“pontu de partida ida ne’ebé di’ak tebes para iha transparénsia iha selesaun ba funsionáriu, ida ne’e duni mak ita presiza, lalika hare ba kór partidu, lalika haree ba familiarismu nepostimu ho koloismu ne’e ita la hare iha ne’e, ha’u enkoraja ministériu hotu inkliu iha parlamentu selesaun funsion’ariu ita uza sistema henesan ne’e,” PPN hato’o.
Prezidente PN mos konkorda , atu iha futuru KFP bele hetan tan meius atu sosa tan ekipamentus hodi bele halo teste iha futuru ho númeru ne’ebé boot liu tan.
Enkuantu, teste ne’e hahú ona iha loron 15 Fulan-Marsu no sei remata iha loron 22 fulan-Abril tinan 2024.

Rate this item
(0 votes)

Independente Digital TV