"Gabinete Conjugue hetan apoiu osan dolares amerikanu rihun rua nulu, tanba durante tinan lima Embaixadór Xina fó apoiu ba Gabinete Conjugue ninian hodi hala'o atividade sira, ho doasaun ida ohin atu kontinua servisu hamutuk ba tinan ida ne'e ninian," Espoza PR, Cidalia Nobre Mouzinho Guterres hateten ba jornalista sira hafoin enkontru ho Embaixadór Xina Xião Jianguo iha Palasiu Prezidensiál Bairu-Pite, Segunda (25/04).
Durante ne'e halao tiha servisu iha area hirak ne'ebé Gabinete Conjugue hala'o, depois husi parte Gabinete Espoza mós ba Plan Internasionál ninia Embaixadora ba iha programa tolu ho nia kooperasaun ne'e sei kontinua.
Foin daudaun Espoza PR simu rekoñesimentu premiu ida ne'ebé mai husi Dubai, ne'e hanesan fó nafatin inspirasaun ba Espoza PR atu servisu ba ninia povu liu-liu ba feto no labarik, nune'e mós sidadaun sira tuir saida mak nia bele.
"Ha'u hato'o protidaun nafatin no agradese tenke rekoñese sira nia apoiu ne'e buat hotu la'o di'ak, governu Xina nia apoiu no mós parseiru sira seluk ninia apoiu ba Gabinete atu bele hala'o atividade sira ne'e ho di'ak. Área edukasaun, saúde, ekonómia, no mós sosial ninian ida ne'e mak durante ne’e hala'o," Espoza PR hateten.
Kona-ba edukasaun ninian maka durante ne'e Gabinete Conjugue fó apoiu ba finalista sira alin estudante sira ne'ebé atu akaba sira nia estudu, sira hakerek teze ne'e sira iha difikuldade tebes entaun fó apoiu ida ne'e tuir kbiit ne'ebé iha.
Depois mós alin sira ne'ebé hela iha uma mahon sira ne'e durante hetan abuzu oi-oin kazu barak entaun sira ne'e sai tiha husi eskola durante ne'e fó apoiu, benefisiariu oan sira ne'e aproveita fila fali.
Maski ho situasaun ne'ebé sira hasoru iha sira nia moris, maibé sira konsege eskola fila fali no sira hetan moras di'ak tebe-tebes.
Kona-ba, ekonomia ne'e fó formasaun ba inan feton sira ne'ebé sira loke tiha ona sira nia negósiu atu ba hakbit tan de'it la'ós ba hanorin lae sira iha tiha ona skill mak sira halo, depois fahe mós informasaun kona-ba oinsá atu jere sira nia osan.
Iha enkontru ne'e, Emabiaxadór Xião Jianguo pronto nafatin atu fó apoiu ba futuru, tanba sira haree katak hafoin Gabinete Conjugue hato'o relatóriu ka servisu ne'ebé hala'o sira apresia tebe-tebes.
