Diretora Ezekutiva Hospitál Referal Maubisse, Gabriela da C. M. Perreira hateten, durante tinan rua ona, Hospitál Referal enfrenta difikuldade ba mákina anastesia, maibé iha Sesta semana kotuk simu ona makina foun husi Ministériu Saúde,
"Durante tinan rua ita lahalo operasaun maibé daudaun tanba makina ne'e iha ona, ita halo hela instalasaun, nune'e halo hela pedidu ba SMAES atu apoia medikamentus no konsumaveis ne'ebé mak persiza iha sala operasaun atu bele funsiona fila-fali," nia hateten hafoin partisipa formasaun jerente saúde 2022, iha Salun INS Komoro, Segunda (25/04).
Tanba ne'e, fiar katak se laiha semana ne'e, iha semana oin mai sala operasaun bele normaliza fila fali hanesan baibain, hodi halo operasaun ba pasiente liuliu inan isin rua sira.
Durante tinan rua, kuaze inan sira ne'ebé maka transfere husi Munisípiu Manufahi, Ainaru, Maubisse rasik atu halo operasaun, maioria tenke transfere liu ba HNGV.
Kona-ba rekursu humanu daudaun sufisiente hela, liuliu ba médiku espesialista ne'ebé halo atendimentu iha HR Maubesi hamutuk na'in lima.
Antes ne’e Ministre Saude Odete Belo halo vizita iha ospitál ne’e no haree katak, kondisaun makina ba operasaun nian avaria, nune’e nia rasik orienta hodi kompras makina ne’ebé oras ne’e iah hela prosesu instalasaun no sei funsiona iha tempu badak.
