Primeiru-Ministru ne’e hatete, autoridade munisipál hahú hosi Prezidente Autoridade, administradór postu administrativu, xefe suku no xefe aldeia sira tenki servisu maka’as hodi halo prevensaun bá violénsia hasoru feto no labarik feto.

“Husu autoridade munisipál sira husi munisípiu to’o suku, tau atensaun bo’ot liu bá violénsia kontra jéneru. Ida-ne’e mak sai problema bo’ot,” dehan PM hafoin partisipa iha forum diálogu ne’ebé realiza husi Sekretaria Igualidade OKA Osindo I, Kinta (18/07).

Nia dehan, nu’udár xefe suku tau-matan bá komunidade nia moris, tau matan ba komunidade sira bainhira problema akontese iha sira-nia leet.

Tanba, atu ko’alia kona ba proteje no valoriza feto iha ida-idak nia aldeia no suku, autoridade sira tenki tau matan ba problema sira ne’ebé iha komunidade nia leet.

PM Xanana mós apela bá autoridade xefe suku sira atu labele mete artemarsiais no rituais, maibé karik autoridade lokál sira mete arte marsiais no rituál mak sei hasai husi xefe suku.