Esbosu LAK ne’e rasik agora dadaun Komisaun A Parlamentu Nasionál deskute ona iha Same, Manufahi. Deskusaun ne’e hahú ona iha loron 23 fulan-Juñu too 15 fulan-Jullu tinan ne’e.

Tuir Prezidente Komisaun A, Deputadu Joaquim dos Santos hatete, deskusaun ne’e hala’o iha Same-Manufahi tanba atu sira bele konsentra liu ba deskusaun esbosu LAK ne’e.

Lei anti korrupsaun iha dimensaun tolu, primeiru deminsaun atu orienta sidadaun sira hodi moris tuir ninia kapasidade no moris tuir nia hakarak ne’ebé di’ak, moris tuir komunidade tomak nia ideal hodi labele fó todan ba ema seluk liga ba estadu.

Segundu dimensaun mak moral. Tanba lei tenke orienta ema dimensaun sosiu ekonómiku no politiku, tanba ne’e lei anti korrupsaun tenke orienta ema moris iha disiplina, iha nia komportamentu.

Purtantu ba funsionariu públika karik nia moris ho nia vensimentu, labele hanoin aumenta tán kiri-kanan nesesidades sira ne’e.

Terseiru mak dimensaun juridika. Lei anti korrupasaun ne’e bele prevene ema labele halo sala.

“Tanba ne’e mak ha’u konsidera orjente, sosiedade presija duni lei ida ne’e urjente, tanba dimensaun tolu nee,”dehan Xefe Komisaun ne’e.