Agora daudaun ne’e pagamentu remata ona atinje kuaze 94%, iha Dili sei hela Suku rua maka seidauk hotu hanesan, Bairru-Pité no Komoro, ne’e governu sei fó tempu loron rua tan atu ekipa bele halo hotu pagamentu ne’e.
Diretór Jerál MSSI Rui Manuel Exposto hatete, ekipa MSSI hahu halo pagamentu iha 9 fulan-Junu to’o 23 Junu, durante prosesu pagamentu uma-kain hamutuk 10.965 maka halo reklamasaun, tanba naran hirak ne'e la iha lista pagamentu.
"Naran sira ne’ebe la iha lista sei halo reklamasaun iha suku no haruka ba MSSI hodi fó tempu loron 15 hodi verifika dadus sira ne'e hafoin halo pagamentu ba sira," dehan nia, iha Salaun MSSI, Kaikoli, horisehik.
Bazeia ba jeneru benefisiariu ne'ebe simu ona pagamentu ba loron dahuluk to’o agora ne’ebe maka reprejenta Xefe familia hanesan feto atinji 19,02%, mane 80,97% no seluk 0.01%.
Diretor jeral ne’e mós informa katak, ba Oekuse nian ekipa sei tuun ba halo pagamentu iha semana oin, tatal orsamentu ne’ebe fixu ba halo pagamentu iha Oekuse hamutuk tokon U$4.
