Tuir Xefe Governu hatete, montante orsamentu duadésimu bazeia ba kapasidade ezekusaun no kuantidade membru Governu.

"Agora ne'e ita kontinua uza orsamentu duadesimál. Orsamentu duadesimál normalmente kada fulan iha tokon $100 resin. Soké ita-nia situasaun moras, estadu emerjénsia, halo ita-nia kapasidade ezekusaun menus,"dehan PM Taur iha Palásiu Prezidensiál Bairu-Pite Dili, Kinta (25/06).

Nia afirma, membru governu ne'ebé kompletu ona, bele ezekusaun duadesimál aumenta.

"Agora membru governu kompletu, espera katak ba oin bele eleva ezekusaun, bele aumenta nivél ezekusaun nian duadesimál nian. Provavelmente iha nia orsamentu duadésimu sei to'o iha fulan-outubru, depois de aprova orsamentu 2020 nian mak hotu,"dehan Taur.