“Hanesan enkontru infomál ida, troka impressun no sira hakarak rona ha’u nia apresiasaun no análiza konabá situasaun mundiál liu-liu Ukránia no polítika Amerikanu no relasaun Timor-Leste nian,” dehan Xefe Estadu, liu husi komunikadu ne'ebé Online INDEPENDENTE asesu, iha pajina ofisial PR, kinta ne’e (20/10).
Tuir Xefe Estadu, Primeiru Ministru Hun Sen Kambódia apoia tebes adezaun Timor-Leste ba ASEAN no envolvimentu Timor-Leste iha organizasaun rejionál ne’e, bele kontribui ba rezolusaun problema iha Mianmar.
‘’Bainhira Timor-Leste tama ASEAN sei kontribui makaas ba diplomasia kona-ba situasaun iha Mianmar, iha kontestu ASEAN atu hare oinsa kontribui hodi hetan solusaun, tanba bainhira kontinua, sei afeta bá ASEAN nia kreadibilidade,"haktuir Xefe Estadu.
Enkuantu, Prezidente Repúblika, José Ramos Horta mós rekorda sofrimente líder no povu Mianmar.
Tanba ne’e, promete atu hametin parseria ho ASEAN, hodi solusiona konflitu liu husi dalan diálogu.
Entretantu, Vizita Xefe Estadu ba Kambódia husi loron 19 to’o 21 fulan Outubru, hanesan resposta ba konvite husi Liurai Reiñu Kambódia, Narodom Sihamonia, hodi hametin relasaun bilaterál ho Timor-Leste.
