Xanana Adia Viajen Mai Dili Featured

By INDEPENDENTE Outubru 25, 2017 8928
Xanana Xanana

DILI: Xefe Negosiadór ba Fronteira Marítima, Kay Rala Xanana Gusmão, ne’ebé ajenda ona atu fila hikas mai Dili, iha Kuarta (25/10), ohin, sei adia. Ajenda ne’e muda tanba alterasaun husi oráriu aviaun nian.

Tuir fonte konfirmandu diáriu ne’e nian hateten katak, planu feitu ne’ebé iha loloos ohin Xanana Gusmão to’o ona Timor, maibé ho problema hirak ne’e mak tenke muda fali.

“Maun Boot Xanana, aban sei adia mai Timor tanba atrazu ho aviaun”, dehan fonte ne’e ba Jornál INDEPENDENTE, horisehik.

Ne’e duni, posibilidade boot Xefe Negosiadór ne’e sei to’o iha Timor-Leste iha Kinta (26/10), maibe ida ne’e mós seidauk serteza tanba sei halo reuniaun ida iha Bali.

PNTL Bandu Uza Atributu Parpol Ba Aeroportu

Entretantu, Polisia Nasionál Timor-Leste (PNTL) aviza ona ba sosiedade sira ne’ebé atu simu lider karizmátiku ne’e labele uza atributu partidu nian.

Komandante Jerál PNTL, Komisáriu Júlio da Costa Hornay hateten, polisia hetan apoia husi F-FDTL halo operasaun iha aeroportu bandu atu utiliza atributu partidu nian hodi simu Xefe Negosiadór, Xanana Gusmão, iha aeroportu Nicolau Lobato.

Depozita konfiansa ne’e hetan husi Prezidente Repúblika, Francisco Guterres ‘Lú-Olo’, ho Ministru Defeza Seguransa, José Agostinho Sequeira ‘Somotxo’ husu ba Xefe Maiór F-FDTL, Majór Jenerál Lere Anan Timur ho Komandante Jerál PNTL, Komisáriu Júlio da Costa Hornay hodi garante seguransa iha aeroportu.

Ne’e duni, apela ba timoroan hotu bainhira simu Xanana Gusmão karik labele lori sasán kro'at no mós atributu partidu polítika.

“Sé de’it mak hakarak simu Maun Boot Xanana tenke ba nu’udar sidadaun baibain, tanba Maun Boot Xanana ba reprezenta povu Timor Leste”, dehan Júlio Kuartél Jerál PNTL, horisehik.

Lider rezisténsia b aba reprezenta povu no Estadu Timor-Leste, la’ós lori naran partidu polítiku nian. Ne’e duni, labele lori símbolu partidu polítiku nian ba hasoru. Nune’e, tempu kampaña partidu nian mós liu tiha ona.

Nia dehan, membru F-FDTL ho PNTL sei halo pasa revista no buska ba atributu partidu no mós sasán kro’at nian hahú Rotunda Komoro.

Tanba ne’e, ho haraik-aan Komandante Jerál husu ba komunidade no mós organizasaun partidu polítika sira labele lori sasán partidu no sasán kro’at. 

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31