Xefe Estadu Maiór Jenerál Forsa Armada (XEMJFA) Tenente Jenerál Domingos Raul "Falur Rate Laek" hateten, komandu rua hahú asina akordu kona-ba operasaun Konjunta kona-ba preparasaun hodi simu vizita amu papa Francisco iha fulan setembru.

"Objetivu asina orden operasaun konjunta konaba preparasaun atu simu amu papa mai vizita ita nia rai, ami nia preparasaun mak to'o ohin loron faze asina ona karta Konjunta ida ne'e Dili tenki hakmatek," Dehan Domingos ba jornalista sira hafoin asina karta Operasaun Konjunta iha Kuartel Jenerál F-FDTL Fatuhada Dili (10/06).

Nia dehan defeza seguransa ne'e kestaun arma seguransa ba vida nian, ne'ebé iha nesisidade ema hatene mak hatene laiha nesesidade publika ne'e lalika publika, tanba ne'e buat parte Autoridade Seguransa ho Defeza preparadu.

"Radiu komunikasaun sira iha mak ita hahu halo operasaun konjunta, tanba ne'e siguransa ne'e laos forsa defeza de'it mak siguransa, maibé siguransa ida ne'e povu tomak Timor-Leste ne'e maka tenke siguransa ne'e mak atu se de'it ema kiik no bo'ot ne'e responsabilidade ita hotu nia laos Igreja nian de'it laos sarani nian ho laos instituisaun F-FDTL ho PNTL nia de'it," informa nia.

Nia informa  instituisaun F-FDTL ho PNTL ne'e lei mak kontribui, tanba ne'e mak komandu rua  halo asina ne'e atu ema hotu tuir regra sira importante  ne'ebé uja F-FDTL ho PNTL sei regra  atu hamutuk garante  siguransa ba ema hotu.

"Imi lalika husu efektivu hira ida ne'e povu tomak ita hotu halo siguransa importante ba ema hotu, maibé ema importante mak komisaun sira iha leten ne’ebá, tanba ne'e komandu sira tau hamutuk forsa tarefa atu asegura seguransa ho di'ak," afirma nia.

Nia informa Komandu rua estabelese sentru operasaun iha Kuartel jerál PNTL nune'e sira hotu asesu informasaun ne'ebé hateten sei transmite iha ne'eba, tanba ne'e prosesu tur iha ne'ebá mak permanente ne'e informasaun permanente operasaun permanente logistika permanente iha ne'ebá atu sira prosesu iha ne'eba importante mak ida ne'eba laiha individu ida mak importante liu.

"Agora sentru Operasaun ne'e instala rua mak sei komanda,  maibe iha forsa tarefas ne'ebá ami nian F-FDTL indika oan komandante forsa terrestre nian mak sei ba iha ne'ebá, depois konsulta ho komandate operasaun PNTL ne'ebé iha hamutuk iha ne'eba ita halo servisu  garante seguransa ba vizita amu papa mai TL," esplika nia.

Nia hatutan komandu rua ne'e nia mensajen mak tenki hakmatek arte marsiais ne'e hakmatek tiha atu ba halo desportu nian laos atu ba halo violensia nian, tanba ne'e orientasaun iha ne'ebá lei iha ona halo tuir husu favor ba lideransa arte marsiais sira atu orienta nia membru sira hakmatek.

"Ha'u nia apelu mak ne'e husu arte Marisiais sira hakmatek sira mós sarani tenki kontribui para ita hotu susesu ne'e mensajen ida ne'ebé mak ita kolia bebeik arte marsiais ne'e Timoroan povu asuwain nia oan ran asuwain nia oan nia beioan sira mak iha ne'eba sivilizadu arte marsiais laos eskola butahuru mak iha ne'eba matenek mak iha ne'eba hetan sivilizasaun ne'e hetan ona naroman hatene ona edukasaun hatene ona kontribuiba paz ho hakmatek,"  esplika nia.

Tanba ne'e komandu rua nia komprimisiu ne'e sei implementa buat ne’ebé Governu haruka no lei haruka ne'e F-FDTL ho PNTL kumpri de'it ida atu asegura seguransa ho hakmatek.

Iha fatin hanesan Komandante Jerál PNTL Komisariu Jerál Polísia Henrique da Costa hateten  dirativa konjuta ne'e bazeia ba iha rezolusaun governu numeru 22/04/2024 depois ida ne'e mak komandu rua elabora dirativa konjuta ida ne'e atu implementa lei asegura seguransa ba vizita simu amu Papa.

"Ami halo enkontru dahuluk ita realiza iha fulan kotuk iha Kuartel jerál PNTL hodi prepara dokumentus sira ne'e ohin hanesan enkontru daruak ita asina dokumentu, depois  ida ne'e ita sei instala, ekipa traballu, ekipa konjuntu iha Kuartel jerál PNTL atu nune'e hodi implementa dirativa ne'ebé mak iha ona servisu balun lao ona liu-liu kona-ba ba iha prevensaun nian ita nia atividade formasaun ho kolega sira husi forsa nian sira halo atividade hanesan, ida-idak halo nia servisu, maibe nia intensaun ba iha prevensaun ba iha krimi," Dehan nia.

Nia dehan, vizita amu papa nia akompaña iha dili laran, parte polisia espesial komandu Munisípiu Dili kuatel jerál PNTL rasik apoiu sira halo atividade movimentu kalan tantu loron ho intensaun ida hodi prevene  iha krime no polisia militar halo ona atividade patroliamentu hodi observa no iha buat ruma hodi komunika kedas mai polisia sira atu nune'e bele responde.

"Ligadu ba iha buat seluk, depois ita instala ekipa Konjunta ne'e mak sei hato'o fila fali ba ita boot sira atu nune'e bele akompaña no bele kontinua mensajen ba ita nia komunidade sira atu nune'e bele hatene husi imi atu nune'e hatutan hela mensajen ba iha ita nia komunidade sira asegura ba iha vizita amu papa  asegura ho di'ak," hakotu nia.