.Enkauntu, tuir observasaun husi Onlin INDEPENDENTE, iha terenu nota katak, bainhira Kardeál tun husi Aviaun, simu direita husi Prezidente Republika, José Ramos Horta no Bispu Dioseze Maliana Dom Norbertu da Silva, no membru Governu balun hanesan, Ministru Administrasaun Estatal, Miguel Pereira de Carvalho, ne’ebé hanesan mós komisaun organizadóra ba sermonia ne’e no mós sarani sira.
Aleinde, iha mós Polisia Nasional Timor-Leste, Polisia UPF, UEP, no mós Eis-Prezidente Repúblika, Francisco Guteres Lú Olo ho nia Espoza, iha Aeroporto.
Ho nune’e, iha ambitu ne’e, Sua Eminência Reverendíssima Kardeál Dom Virgílio do Carmo da Silva, Sei descansa minute balun iha sala VIP Aeroprtu Nikolau Lobato, hodi fó mensajen ba sarani no povu TL liu husi Konferensia Imprensa.
Iha Konferensia Imprensa ne'e, Sua Eminência Reverendíssima Kardeál Dom Virgílio do Carmo da Silva, hateten, Knaar kardeál sai primeira kolaborador Amu Papa nian, maske hela dook iha ne'e maibé nafatin atu kolabora fó apoiu oioin.
“Ne'ebé, kuandu husi Vatikanu presiza ami nia apoiu, ami nafatin fó apoiu, knaar Kardeal ne'e apoiu mais direta. Apoiu uma kreda ne'e ida de'it, atu kontinua haburas hametin haklaken Maromak nia liafuan iha ita nia rai doben Timor-Leste ninia,”dehan Amo Kardeál iha Sala VIP, Aeporto, segunda ne’e (05/09).
Hafoin ida ne’e, Kardeál Dom Virgílio sa’e kedan kareta ne’ebé Governu sira prepara ba Kardeál, akompaña kedan ho seguransa sira husi PNTL, UPF no mós VIP sira hodi halo komboiu no sei ba to’o iha Igreja Katedral, hafoin ida ne’e mak Kardeál Dom Virgílio sei fila ba iha nia rezidensia, iha Lecidere.
Entretantu hanesan reprezentante sarani Katólika João Fernando, hateten, hanesan sarani senti orgullu simu kardeal Dom virgilho, tanba nia bibi atan ida sai nu'udar Kardeál dahuluk, iha TL, no hanesan sarani tenki simu Bibi atan ne’e.
"Ita nia esperansa hanesan siarani ba iha futuru fó Kardeál ne'ebé iha, hakarak atu hametin liu tan unidade no paz ba iha sarani Timor tomak, Tanba ne'e, prezensa kardeal ninian ita hakarak husu para bele hametin fiar sarani nian hanesan sarani Katólika,”nia dehan.
Enkuantu, tuir observasaun husi iha terenu, katak, sarani barak, inklui mós labarik no estudante sira husi eskola Pre-sekundaria, Sekundaria ne’ebé iha Dili, no mós Universidade husi eskola balun, emtusiasmu tebes ho kontente, simu Sua Eminência Reverendíssima Kardeál Dom Virgílio do Carmo da Silva.
Aleinde, sarani sira ne’ebé hein iha dalan ninin simu Sua Eminência Reverendíssima Kardeál Dom Virgílio, balun hakilar, “Parabens Amo, Parabens Amo,” no balun hakilar dehan, “Viva Dom Bosko, Viva Amo Kardeál,”
Nune’e mós, hafoin komboiu to’o mai iha Kuartel Jeneral F-FDTL, membru F-FDTL sira no mós sarani sira simu Kardeál karii aifuan ba Nia no mós hasai imajen Kardeál nian.
Entretantu, tuir orariu misa agradesementu ba Sua Eminência Reverendíssima Kardeál Dom Virgílio do Carmo da Silva, sei hala’o iha Uma Adat Tasi Tolu, iha oras tuku 04:00 lokraik.
Enkuantu, molok ne’e, Dom Vigílio aranka ba Vatikanu, Roma iha semana hirak liu ba, hodi ba simu ordenasaun hanesan Sua Eminência Reverendíssima Kardeál dahuluk iha TL, iha loron 27 fulan-Agostus tinan ne’e.
Bigrafia Kardeail Virgílio do Carmo da Silva, SDB
Kardeál Virgílio moris iha loron 27 Novembru 1967, iha Venilale, Timor-Leste. Kardeál hahú estudu dahuluk iha Eskola Primária to’o Sekundária iha Eskola Ealeziana iha Fatumaca.
Hafoin remata eskola, nia kontinua formasaun iha kongregasaun saleziana no halo ninia profisaun dahuluk iha loron 31 Maiu 1990 iha Komunidade Saleziana Fatumaca.
Depois halo ninia profisaun dahuluk, Kardeál Virgílio hala’o ninia estudu filozófiku no teolójiku iha Manila, Filipina. Durante estudu iha Filipina, nia halo ninia profisaun perpétua iha loron 19 Marsu 1997.
Nia simu ordenasaun prezbiterál iha loron 8 Dezembru 1998 iha Santuário Nacional de Maria Auxiliadora dos Cristãos Parañaque, Filipina depoizde remata ninia estudu teolójiku nian iha Don Bosco School of Theology (BDST) ne'ebé uluk hanaran Don Bosco Center of studies (DBCS).
Husi tinan 1999-2002, nia tau matan ba aspirante sira iha Fatumaca. Hafoin muda ba Venilale hodi tau matan ba pre-espirante sira nian ho hala’o mós knaar nu’udar administradór komunidade nian. Husi 2005-2007, Virgílio kontinua fila fali ninia estudu sira iha área Espiritualidade nian iha Universidade Pontifícia Salesiana (UPS), Roma. Fila fali mai Timór, husi tinan 2007-2014, nia hala’o ninia knaar iha Komunidade Saleziana Fatumaca nu'udar Mestre dos Noviços.
Husi tinan 2009-2014, Kardeál dezignadu hala'o mós ninia knaar nu’udar Diretór Komunidade Saleziana Fatumaca. Iha tinan 2015, Reitór-Mór Salezianu sira-nian Don Ángel Fernández Artime, SDB hili Mons. Virgílio sai Provinsiál ba Vise-Provínsia ITM (Indonesia-Timor) nian.
Iha loron 30 Janeiro 2016, Mons. Virgílio hetan nomeasaun husi Papa Francisco hodi sai Bispu Dioseze Dili nian no iha Setembru 2019 foti nia sai Arsebispu dahuluk ba Arkedioseze Metropolitana Dili nian.
Hafoin, iha loron 29 Maiu 2022, iha konkluzaun Regina Coeli nian, Papa Francisco fó sai naran hirak-ne’ebé atu hola parte iha Koléjiu Kardeál sira-nian hamutuk na’in ruanulu-resin-ida no entre sira ida mak Kardial Virgílio do Carmo da Silva, SDB.
