Iha intervista Sekretariu Estadu Formasaun Profesional no Empregu, Rogerio Araujo Mendonça hateten, SEFOPE enkontru ho Komisaun Anti Korrupsaun (KAK), PDHJ no Komisaun Funsaun Publiku (KFP) kona-ba koresaun ba teste eskrita lian inglesh durante ne'e kandidatu sira tuir teste ne'e.
"Iha fulan rua ba kotuk kandidatu Timor oan sira tuir teste eskrita lian inglesh no agora tama ba prosesu kontinuasaun koresaun ba exame," dehan nia ba Jornalista sira iha salaun SEFOPE Kaikoli, Kinta (27/06).
Aliende ne’e, nia dehan oinsá atu garante koresaun ba rejultadu teste eskrita lian inglesh ne'e ho Kualidade iha exame ida ne'e, tanbá ida ne'e SEFOPE konvida KFP, KAK ho PDHJ.
Nune'e buka solusaun hamutuk ida ne'ebe mak diak bainhira halo koresaun atu la bele mosu buat balun ne'ebe ba kandidatu Timor oan sira iha publiku sira ho satisfas.
Nia mos haktuir husi kandidatu Timor oan hamutuk ema na'in 50 mil tal. Maibé, kandidatu sira ne'ebé partesipa iha exame eskrita lian inglesh hamutuk ema na'in 42 mill tal.
“Ha'u hanoin parte PDHJ, KAK ho KFP atu hateten sira mai iha fatin ida ne'e garante katak Kualidade transparansaia iha selesaun ida ne'e, kona-ba sira nia apoiu hodi observa ba iha prosesu ida ne'e, hahú sira akompaña to'o determina sira akompaña.
Molok ne'e, Diretór Jeral SEFOPE ,Carlito Rosario Cabral hateten, vaga online nia prosesu Koreksaun la'o ona no SEFOPE deklara katak sei fo sai fim mes Juñu no inisiu Jullu foin taka kada Munisipiu.
Depois SEFOPE sei fo sai rejultadu teste eskrita lian inglesh ne'e ba publiku no kada Munisipiu, atu bele hatene se mak pasa. Maibé, iha prosesu ida ne'e sei kontinua ba intervista.
" Ami mantein no prosesu Koreksaun lao hela tanbá kandidatu Timor oan sira tuir teste eskrita lian inglesh hamutuk ema na'in 50 mill ne'e la'os fasil, maibé defisil," tenik Diretór Jeral SEFOPE ne’e ba INDEPENDENTE iha servisu fatin Kaikoli, foin lalais ne’e.
Nia hatutan, agora dadaun prosesu Koreksaun ba materia teste eskrita lian inglesh la'o hela. Ne’e duni SEFOPE sei kumpri hodi fo sai rejultadu tempu tuir mai.
Tan ne’e, nia mos relata kona ba prosesu Koreksaun la'o maibé seidauk hotu, SEFOPE seidauk fo sai data fiksuk. Mais, instimasaun fulan Juñu se lae inisiu Jullu mak taka sai resultadu teste eskrita lian inglesh ne'e.
“Ami garante tanbá prosesu la'o hela ami mesak halo. Maibé, diresaun sira mos halo Koreksaun materia ida ne'e, garante sei fo sai iha publiku,” tenik Carlito.
Ne’e duni, nia dehan kandidatu sira tuir teste eskrita lian inglesh husi Munisipiu 12 inklui Rejiaun Administrativu Espesial Oe-kussi Ambenu (RAEOA) hamutuk ema na'in 50.700.
Antes ne'e, SEFOPE realiza serimónia Semi-Skilled ba programa PALM ba teste lian Inglês iha Munisipiu Dili, ho Kandidatu Traballadór hamutuk na'in 8337 no sei hala'o enseramentu ba teste iha Munisipiu 13 inklui RAEOA.
