Provedór Direitus Humanus no Justisa Virgilio Guterres “Lamukan” hatete, kooperasaun entre PDHJ ho USAID, liu-liu foka iha área analiza no peskiza no kampaña póliktika nian.

“Kooperasaun diskusaun hahú ona iha tinan ida liu-bá tanba ibjetivu husi projetu husi USAID halo ne’ e ami hare katak hanesan ho linha planu estratejika PDHJ halo iha tinan kotuk mos,” dehan Provedór iha Suai Room, Segunda (22/07).

Provedór hatutan, projetu ba kooperasaun ne’e ba tinan tolu nian, no orsamentu sei jere husi husi USAID no PDHJ sei implementa de’it aktividade sira neebé iha.

Diretór Misaun USAID iha Timor-Leste, Robert Barton hatete, USAID ho PDHJ asina formalmente deklarasaun koopersaun ne’ebé trasa esforsu hamutu atu hadaik liu tan goveransaun no hametin PDHJ nia kapasidade hodi kumpre nia mandatu konstituisional.

Nia hatutan, deklarasaun ne’e hatuur baze kooperasaun entre kopeeasaun entre PDHJ ho USAID atu hametin mandatu responsabilizasaun instituisaun nian, no hadia kapasidade hodi mitiga, korrupsaun. No inklui apoiu ba PDHJ nia planu estratejiku dezenvolvimentu kpasidade peskiza hodi monotoriza korrupsaun, implementasaun programa edukasaun sívika no anti-korupsaun no hasa’e abilidade PDHJ nian hodi responde ba keixa sidadun sira.

“Asinatura ohin nian subliña importánsia husi perseria sira iha luta hasoru korrupsaun. Ami valoriza ami nia kolaborasaun ho PDHJ no kompremetidu atu fó apoiu ba povu Timor-Leste,” nia salienta.

Nia hatutan, sei koordena husi USAID ho Timor-Leste nia atividade mekanizmu akuntabilidade no integridade (AIM). AIM programa ida besik Millaun $7.9 ne’ebé lansa iha fulan-Abril, marka pasu sentral ida iha apoiu governasaun USAID nia iha Timor-Leste.

Tanba atu hametin ekosistema responsabilizasaun governu nian no avansa esforsu sira hasoru korrupsaun, no PDHJ anesam parte interesada xave ida iha servisu ida-ne’e.