Prezidente RAEOA hatete, nia parte ba hasoru PM hodi koalia konaba situasaun iha Oe-Cusse, ni iha biaban ne’e entraga mos relatoriu iregularidade Ró haksolok no aviaun ZEESM ba PM.
“Ha’u mai hasoru-malu ho Primeiru-Ministru hodi ko’alia kona-bá situasaun iha Oecuse. Ha’u entrega mós relatóriu irregularidade kona-bá ró Haksolok no aviaun ZEESM. Relatóriu ne’e inklui kedan ona ho evidénsia ne’ebé hetan. Ida-ne’e bele ajuda auditoria internasionál ne’ebé sei halo,” dehan Rogério Lobato iha Palasiu Governu, Sesta (19/07).
Rogério Lobato afirma, kona-bá tempu ne’ebé atu halo auditória dehan depende bá desizaun Primeiru-Ministru nian bazeia bá rekomendasaun hosi ekipa auditoria internasionál.
Antes ne’e liu hosi auditoria Tribunál das Kontas deskobre katak, hosi tinan 2014 to’o 2018 Timor-Leste gasta millaun $24,5 bá konstrusaun ró Haksolok, maibé paradu tinan barak nia laran tanba falla iha desizaun ne’ebé foti iha fulan Agostu 2014 hodi ajudika direta bá empreza Atlantic Eagle ne’ebé bankarota ona no konsidera laiha transparánsia.
