Tuir, Xefe Unidade Onkolojia iha Hospital Nasional Guido Valadares (HNGV), João Teodósio Amaral hatete, agora daudaun unidade Onkolojia menus ekipamentu médiku hodi atende pasiente iha rai laran.
“Ita ko'alia kona-ba ekipamentu iha estabelese servisu ne'e, unidade ida ne'e hahú servísu estabelese iha tinan kotuk liu bá, bainhira hahú estabelese ne'e, ita ba kedas ho asuntu haat, hanesan infra-estrutura, kapasitasaun servísu, mezmu iha parteira no enfermeira ne'ebé treinadu kona-ba atende pasiente sira ne'ebé halo tratamentu," dehan nia iha HNGV, kuarta (24/01).
Nia dehan, kona-ba ekipamentu médiku ne'ebe importante maka ekipamentu sensial hanesan kahur ai-moruk, no iha tan maka kompleta mobiliáriu atu apoiu funsionamentu.
Iha tinan 2023 konsege hetan tratamentu no formasaun no halo rekonsiliasaun ba iha fatin balun hodi utiliza saúde ba iha konsulta no tratamentu.
"Maibe agora sei falta ne'e maka ekipamentu médiku esensiál ne'ebé prezisa hodi fó konsulta ba iha pasiente sira, tanba ne'e proposta no karta pedidu ne'e hatama ona, iha tinan kotuk kedas, nune'e espera katak governu ne'e liu-liu Ministériu Saúde bele haree fila fali proposta ne'ebe hatama atu nune'e bele apoiu di'ak liu tán," dehan nia.
Nia informa, Agora dadaun iha planu kurtu prazu katak, kestaun ai-moruk no kondisaun iha duni hodi responde ba situasaun, entaun halo uluk kursu tratamentu iha rai-li’ur, entaun signifika katak pasiente sira ne'ebe transfere ba iha rai liur ne'e kontinua, maibé so halo faze tratamentu liu-liu iha intensivu.
Maibe tama ona iha faze sira ne'ebe tratamentu ne'ebe bele halo iha rai laran, entaun pasiente sira halo tratamentu de'it iha HNGV, no iha akordu ho médiku sira iha rai-li’ur hodi halo tratamentu ba pasiente sira no fasilita ai-moruk.
