Uniaun Europeia ho BTL Inaugura Projetu Bee Moos Iha Bairu Pite Featured

By Ivonia Varela Setembru 29, 2023 2286
Komunidade iha Aldeia Baku Fini asesu ona bee moos neebe Konstrui husi Mercy Corps, (29/09). Foto:INDEPENDENTE/Rufino. Komunidade iha Aldeia Baku Fini asesu ona bee moos neebe Konstrui husi Mercy Corps, (29/09). Foto:INDEPENDENTE/Rufino.

DILI: Bee Timor-Leste Empreza Públika hamutuk ho Mercy Corps no Uniaun Europeia, inaugura projetu fasilidade perfurasaun bee moos, iha Aldeia Buka Fini, Suku Bairu Pite, Postu Administrativu Vera Krus, Munisipiu Dili.

Projetu ne’e implementa husi Mery Corps liu-husi projetu inisiativa rezilensia urbana maloa ne'ebé finansia husi Uniaun Europeia.

Nune’e, ofisialmente sira entrega fasilidade perfurasaun ba BTL atu kontinua halo jestaun no manutensaun.

Perfurasaun bee ne'e nudar projetu ida husi projetu neen (6) husi setor bee, saneamentu ho ijeniu ne'ebé konsellu jestaun subkasia hidrografika maloa iha tinan 2022.

Projetu ne'e konstrui hahú husi Fulan-Outubro 2022 no nia trajetu to’o fulan-Marsu 2023. Perfurasaun bee ne'e ho ninia klean metru atus ida (100m) no bele fornese litru 5,5 kada segundu.

Sistema bee moos ne'e sei benifisia ema hamutuk 1,286 husi uma kain 229 resin iha aldeia Buka-Fini, Suku  Bairo-Pite no bele responde ba komunidade sira ne'ebé presiza bee moos.

Embaixadór Uniaun Europeia iha Timor-Leste Marc Fiedrich hatete, projetu inisiativa rejilensia urbana maloa iha suku trajetu neen iha area Sub-Casia Hidrografia Maloa  Munisipiu Dili.

Ho objetivu atu hadiak rejilensia klimátika liu-husi jestaun no restaura ambiente no apoia dezenvolvimentu sosial ekonomia no ambiental iha Munisipiu Dili.

“Lori Uniaun Europeia nia naran, ha'u hakarak kongratula ba imi hotu ne'ebé halo ona projetu ne’e sai posivel,”  dehan nia iha Aldeia Baku Fini, sesta (29/09).

Iha fatin hanesan, Vise-Prezidenti Komisaun Ezekutivu BTL,EP ba asuntu Bee Moos, Saneamentu no Drenajen Gustavu da Cruz hatete, parseiru Mercy Corps ne'ebé heta finansia husi UE, hatutan ona governu nia liman ain ajuda fornese bee ba komunidade sira iha Aldeia Buka Fini.

“Ida ne'e ita hetan apoiu husi Mercy corps ne'ebé hetan finansia husi Uniaun Europeia, ne'ebé ajuda ona governu liliu iha área Ailok Laran, Suku Bairo-Pite, tanba sira mós sai alvo ida ne’ebé iha tempu bailoron sempre bee la iha, maibé ho projetu ida ne'e bele hatutan governu nia liman ain hodi bele fornese bee ba komunidade,” dehan Vise Prezidente.

Ezekutivu akresenta, ba oin karik akontese duni elninu, BTL, la halo ona intervensaun tanba sira bee iha ona.

Tan ne'e, ekipa BTL sei halo fila fali intervensaun iha fatin seluk ne’ebé presiza tebes bee.

 

Rate this item
(0 votes)
Last modified on Sábadu, 30 Setembru 2023 21:42

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30