Xefe UN WOMEN iha Timor-Leste, Nishtha Satyam hateten parte UN WOMEN mai ko'alia renovasaun akordu hodi fortifika servisu hamutuk iha redusaun risku dezastre nian.
"Sorumutu ne'e oinsa atu renova fali akordu servisu hamutuk, ne'ebé establese ona entre UN WOMEN ho SEPC-APC durante tinan tolu liuba, no agora atu fortifika liutan kolaborasaun servisu hamutuk iha redusaun risku dezastre nian," sita komunikadu ne’ebé Online INDEPENDENTE asesu iha pájina ofisiál APC, Tersa (11/06).
Sekretariu Estadu, Domingos Mariano Reis hatete, hasoru malu entre Protesaun Sivíl ho UN WOMEN ne’e kona-ba fortalesimentu koperasaun edukasaun, redusaun risku dezastre iha Timor-Leste liuliu ba feto vulnerável sira liu bainhira mosu dezastre.
“Saida mak ita tenke halo edukasaun redusaun risku dezastre ba grupu feto sira imporante, bainhira mosu dezastre sira bele responde hodi kuidade sira-nia oan no sira-nia familia,”
Xefe akresenta, durante ne'e parte UN WOMEN apoiu ona SEPC-APC iha kapasitasaun ba rekursu umanu hodi atende no responde ba dezastre sira iha Timor laran tomak.