“Iha Munisipiu Dili hanesan ha’u sempre koalia, ita nia kliente rasik porvolta rihun tolu mak asesu ona ba bee moos, ne’ebé fornese husi Bee Timor-Leste,”dehan nia iha knar fatin, Kaikoli, Dili, segunda horseik (12/09).
Enkuantu, nia rekoñe katak, iha komunidade lubuk ida mak dadauk ne’e asesu ba bee moos uza sistema rasik, hanesan fura bee husi posu mak hodi konsumu.
Tanba ne’e, BTL,EP sei nafatin esforsu atu mellora sistema bee moos ba populasaun sira iha Kapital Dili bele asesu hotu.
Entretantu, molok ne’e, Governu liu husi Ministru Finansas, Rui Gomes, asina ona akordu ho Banku Mundial, ba imprestimu osan dolar amerikanu millaun U$120, hodi fornese bee moos ba populasaun sira iha Kapital Dili.
