Enkuantu,  benifisiariu hamutuk 37 kompostu husi Aldeia tolu hanesan, Aldeia Ostiku, Bahamori no Hanau.

Sekretaria Ezekutivu hatete, iha Oitavu Governu Konstituisional ne'ebé lidera husi Primeiru Ministru Taur Matan Ruak ninia programa prioridade los ne'e ema, hakarak ema mak sai sentru ba dezenvolvimentu, kuaker maneira ne'ebé sira halo ikus liu ninia refleta ne'e tenki ba ema ida-idak nian.

"Agora Oitavu Governu Konstituisional nia mandatu ne'e  hakarak dezenvolvimentu ne'e hahú kedas husi ita nia suku laran, tanba ne'e prioridades ida ne'e la monu leet de'it, maibé nia kumpri duni nia mandatu ida ne'ebé hakarak ema mak sentru dezenvolvimentu,” dehan nia iha Suku Oestiku,  Baukau, kuarta ne’e (26/04).

Ezekutiva esplika, kalen ne'ebé Governu oferese ba benifisariu sira ne’e diferensia ho kalen sira seluk, tanba kalen ne'e kualidade diak. Tanba Governu hakarak oferese duni kualidade diak ba nia povu sira.

Tuir nia, kalen ne'e kalkulasaun konforme tékniku sira halo uma ne'e ho di'ak bele dura to'o tinan 20 mós sei di'ak.

Sekretária Ezekutiva akresenta, benifisiariu sira ne'ebé sai benifisiariu ba UNP+B ne’e, sira nia ekonomia ne'e médiu, katak la'ós vulneravel liu no la'os aas liu.

Iha fatin hanesan, Xefi Suku Ostiku Policarpo Freitas da Silva hatete, benifisariu sira ne'ebé benifisia ba UNP plus ne’e, sita ona nia montante bazeia ba levantamentus dadus.

Tanba ne’e, Xefe Suku husu ba benifisiariu sira, bainhira simu ona kalen tenki troka kedas sira nia kalen ne’ebé feruzen ona.

Entretantu, benifisiariu Filipe Domingos Boavida reprezentante benifisiariu 37 nia naran hato'o agradese ba Oitavu Governu ne'ebé oferese ona kalen ba sira.

Nune'e mós, benifisiariu ne'e husu ba Governu atu fahe mós kalen ba maluk sira ne'ebé  seidauk hetan.