Reprezentante UNICEF iha Timor-Leste, Ainhoa Jaureguibeitia hateten, iha momentu ida-ne'e UNICEF aproveita hodi hato’o kompromisiu bo’ot servisu hamutuk ho Ministériu Saúde hodi asegura kualidade saúde ba inan no labarik sira iha rai ne’e.
“UNICEF prontu apoiu Ministériu Saúde liu hosi harii sistema saúde iha nasaun ne'ebé relasiona ho servisu saúde materna ba bebé ne'ebé foin moris inklui programa nutrisaun, promosaun nutisaun saúde liu-liu be’e no saneamentu,” nia hateten.
Relasiona ho programa imunizasaun, UNICEF mós sei apoiu MS atu reforsa problema imunizasaun inkliu introdús vasina foun ba labarik sira
UNICEF sente kontente tebes bele partisipa iha Avaliasaun Nasionál Rezultadu Kampaña Integradu ba apoiu vasina liu-liu ba labarik sira ho idade tinan lima mai kraik.
Enkontru ida ne'e realiza hafoin fulan tolu husi implemetasaun kampaña nasionál integradu ne'ebé susesu tebes.
Husi kobertura kampaña nasionál integradu ida ne'e Timor-Leste konsege atinje porsentu 95 ba vasina tolu hanesan, vasinasaun Pfizer, AstraZeneca no mós Xinovax hodi implementa sai alvu ba kampaña integradu ida-ne'e.
Ho atinjimentu ida ne’e, UNICEF ho Ministériu Saúde liu-liu lideransa sira durante hala'o kampaña nasionál ingregradu ne'e ho susesu.
"Ha'u mós hakarak hato'o parabens no agradese ba pesoál saúde sira ne'ebé fó responde informasaun ba populasaun durante tinan barak,” nia agradese.
