DILI: Traballadór na’in-241 ho família asina deklarasaun ho governu liuhosi Sekretaria Estadu Formasaun Profesionál no Empregu antes ba servisu iha Korea do Súl.
Sekretariu Estadu Formasaun Profesionál no Empregu, Rogério Araujo Mendonça hatete, SEFOPE asina deklrasaun ho traballadór ho nia família objetivu atu fó orientasaun ba traballadór sira hodi kumpri akordu ne’e parte tolu halo bainhira atu ba servisu iha nasaun ne’ebé sira ba.
"Bainhira ita-nia traballadór sira atu desloka ba nasaun Korea, Australia no Japaun parte Sekretariu Estadu Formasaun Profisional no Empregu sempre realiza seremonia despedida ba traballaddores familia no parte govenu ho objetivu atu fó orientasaun ba traballadores bainhira ba servisu iha nasaun sira ne'ebé atu servisu ba, hodi kumpri akordu ne'ebé traballador governu halo," dehan Sekretáriu Estadu iha salaun Delta-Nova, Segunda (26/08).
Iha fatin hanesan, reprezenta Embaixadór Korea Súl iha Timor-Leste, Park Sungheui hatete, traballadór hirak ne’e hetan oportunidade ida ne’ebé di’ak tebes atu ba servisu iha Korea Sul.
Nia parte, fó parabens tanba, atu hetan oportunidade ne’e sempre liu dalan ne’ebé difisil tan ne’e tenki hamutuk hodi selebra.
"Imi hetan oportunidade ne'ebé di'ak tebes atu ba servisu iha Kore Sul, maibe atu hetannoportunidade ne'e koserteza imi liu prosesu ida ne'ebé ke difisil tebes tanba ita tenki selebra no hau fó parabéns," dehan Park.
Nia afirma, traballadór sira sai hanesan ponte ka xave importante ba relasaun bilaterál entre nasaun rua ne’e.
Traballadór, Romaldo Jesus de Deus hato’o agradese no hanesan traballador sei kumpri nafatin regra ne’ebé governu Korea no Timor-Leste fó sai ona.
Enkuatu traballadór hirak ne’e hamutuk 241 ne’ebé kompostu husi mane na’in 240 no feto ida, no hosi traballadór ne’e iha re-entri na’in haat.
Enkuantu, traballadór hirak ne’e sei desloka ba nasaun Austrália iha loron ida fulan-Setembru tinan ne’e.