Traballador Na'in 119 Asina Tan Deklarasaun ho SEFOPE Featured

By Rufino Bareto Dezembru 22, 2023 876
Reprezentante Traballador Na'in 119 Asina Tan Deklarasaun ho SEFOPE. Foto:Media SEFOPE. Reprezentante Traballador Na'in 119 Asina Tan Deklarasaun ho SEFOPE. Foto:Media SEFOPE.

DILI: Sekretariu Estadu Formasaun Profesional no Empregu (SEFOPE) liu husi Diresaun Nasional Empregu Enternu (DNEE) kontinua asina tan deklarasaun ho traballador Timor oan hamutuk  ema na’in 119 molok aranka ba servisu iha Australia.

Xefe gabinete  SEFOPE,  Jacinto Ribeiro Dias husu ba traballador Timor oan hirak ne’ebé asina ona akordu ho SEFOPE, bainhira ba servisu iha Australia tenke disiplina no respeitu regras iha ema nia rai.

"Iha seremonia despedida ida ne'e atu fo hanoin ba ita boot sira (traballadór), labele halai ses husi sistema, tanbá sistema mak sai xave no asegura ita bo’ot sira," dehan Jacinto Ribeiro Dias ba Jornalista sira iha salaun SEFOPE, Kaikoli, (20/12).

Dadaun ne’e ita bo’ot sira hatais faru simbolu bandeira RDTL  hodi halo juramentu, tanba ne’e bainhira ba servisu trai fali nasaun ne’e hodi hasai ses husi sistema.

"Imi mak eroi Timor-Leste, tanbá inan-aman fó moris ona ba imi atu ba buka servisu hodi hadia ekonomia uma laran, nune'e imi bele transforma moras ne’e sai diak liu tan," tenik nia

Nia haktuir, labele transforma moris ne'e sai hanesan fali  moras ida ba nasaun, fámilia sira no  ba traballadór sira seluk.

Deklarasaun ne’e ita boot sira asina ne’e, iha alinea haat (4) hatete, sei la koko atu buka dalan hodi aplika viza seluk. Ita bo’ot sira mós jura ba bandeira RDTL no rai ida ne’e katak, promete sei la halai ses husi sistema bainhira ba servisu iha Australia

SEFOPE fiar ita bo’ot sira atu bele hatudu prestasaun servisu ne’ebé diak iha ema nia rai, tanba ita bo’ot sira ba servisu atu buka hadia moris.

Diretór Nasional Empregu no Estranjeiru (DNEE), Joao Pereira hateten, traballador Timor oan hirak ne’e antusia tebes no sira sei aranka iha to'o fulan Janeiru 2024.

Enkuantu traballador Timor oan hamutuk 119 kompostu husi mane na'in 106, feto na'in 13 no traballador foun hamutuk na’in 84.

Rate this item
(0 votes)
Last modified on Kuarta, 27 Dezembru 2023 10:34

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30