Iha fulan Dezembru ne’e, relasiona ho selebrasaun loron boot Natal, Prezidente Repúblika, oferese espasu iha palasiu prezidensia nia oin ba grupu lokal sira atu harii prezepiu.

Hafoin grupu sira harii prezepiu, parte prezidensia repúblika sei halo avaliasaun hodi eskoila prezepiu ne’ebé di’ak liu.

Aleinde ne’e, palasiu PR mós loke oportunidade ba utilizadór media sosial hodi bele eskoila prezepiu ne’ebé di’ak liu.

“Grupu lokál sira estabelese ona senáriu Natál ne’ebé furak tebes iha palásiu prezidénsia oin ho uza materiál resiklajen ba ema hotu atu haree,” dehan parte palasiu liu husi anunsiu iha media sosial.

Iha anunsiu ne’e, husu atu utilizadór medis sosial hili idaidak nia prezepiu favorite bazeia ba imajen ne’ebé públika.

“Hili imi-nia favoritu hodi like no share foto prezépiu ida imi gosta. Iha loron 6 fulan-Janeiru tinan 2024 sei deklara manan na’in kategoria ida ba favoritu husi média sosiál no sei hetan prémiu ketak ida.”

Enkuantu, votasaun hahú loke husi 21 Dezembru 2023 to’o 2 Janeiru 2024.