Tuir númeru sorteiu, Partidu FRETILIN númeru 11, Partidu CNRT 12, no númeru sorteiu ikus maka partidu APMT 17.
"Hanesan ita boot sira hatene hotu ona katak lista admitidu atu konkore ba eleisaun parlamentar 21 Maio tinan ne'e, lista sira ne’e mai husi partidu pólitiku 17, ne'ebé konkorensia ne'e individual hotu,"dehan Presidente Tribunál Rekursu, Dolindo do Santos, iha Sala Julgamentu TR Kaikoli, Kuarta (29/03).
Entretantu, hafoin dada númeru sorteiu, Prezidenti Tribunal Rekursu husu ba orgaun sira ne'ebé iha kompetensia atu halo prosesu tuir mai hodi prepara bulletin de votu.
"Porsesu importante iha faze ida ne'e to'o iha ne'e ona hotu iha lista kandidatura ne'e, no prosesu tomak ba oin ne'e sei Komisaun Nasionál Eleisoens (CNE) ho Servisu Tékniku Administrasaun Eleisaoes (STAE) nia liman, bainhira to'o eleisaun hotu mak bele mai fali tribunal.
Nunue'e mos, Presidenti TR husu ba Representante lista kandidatura sira, atu sira iha obrigasaun legal no moral atu fó hatene ba sira nia partidu katak rezultadu lista kadidatura ne'ebé mak halo iha TR partisipa mos husi sira.
Entretantu, molok ne’e iha eleisaun parlamentar tinan 2017, partidu politikus ne’eb’e konkore hamutuk 21 no iha eleisaun antisipada 2018 partidu politikus hamutuk 8 inklui koligasaun sira.
