Tuir komunikadu ne’ebé Online INDEPENDENTE asesu, Portavós Governu Konstitusionál da-IX, Ministru Prezidensia Konsellu Ministru Agio Pereira, hodi Governu nia naran, espresa nia solidariedade ho povu no governu sira husi nasaun sira ne’ebé afetadu husi katástrofe ne’e.
“Iha tempu susar ida-ne’e, ami-nia hanoin hamutuk ho vítima sira no sira-nia família, no ami elojia esforsu sira ne'ebé maka la kolen hosi sira ne'ebé maka nafatin determinadu atu buka sobrevivente sira no tulun komunidade sira ne'ebé maka afetadu," dehan Agio Pereira lihu husi Komunikandu ne’ebé Online INDEPEDENTE sita, sesta (20/09).
Udan maka'as hamosu inundasaun boot sira, liuliu afeta Polónia, Áustria, Xékia, Roménia, Ungária ho Eslovákia, ho konsekuénsia sira ne'ebé maka'as tebes, dezlokasaun hosi ema rihun ba rihun no estragu maka'as ba infraestrutura esensiál sira.