Hafoin remete karta ba Primeiru Ministru (MP), eis Prezidente RAEOA, Marí Alkatiri hatete, keixa ne’e hatama hasoru deklarasaun Rogeiro Lobato kona-ba rai Fulolo,tanba ne’e konsidera hanesan abuzu podér hasoru sira.
“Keixa ne’e hasoru Rogeiru Lobato, keixa ida tan, sei mai nafatin di’ak liu nia taka de’it ona, lalika loke, se loke nafatin keixa sei loke nafatin,” dehan Marí Alktiri ba jornalsita sira iha edifísiu Ministériu Públiku (MP), Kolmera, Sesta (20/09).
Nia dehan, karta ne’ebé hatama iha MP nia títulu Rogeiro Lobato akuza na’in rua, Marí Alkatiri no Arsénio Bano, dehan abuzu podér no seluk tan.
“Keixa ba nia deklarasaun la’os abuzu poder, dehan mai mak abuzu podér, la’os ami ne’e ha’u sei la ko’alia klaru maibé hakarak akompaña nia prosesu tomak ninian kona-ba asaltu iha uma Fulolo ne’e saída mak nia deklara, ne’e jornalista presiza sira investiga oituan para sé bele hatene loloos tanba saida mak keixa ne’e bele aprezenta sé mak dehan iha iregularidade? Rogeiro ita ba kaer,” Marí afirma.
Mari Alkatiri hatutan, keixa ida ne’e sei lato’o iha ne’e maibé sei kontinua, kona-ba responsabilidade sivil, responsabilidade morál no seluk tan.
“Ha’u nia esperansa ha’u halo keixa ba iha justisa ha’u la ba halo keixa ba ha’u nia aman ka ha’u nia inan, keixa ami rua aprezenta ba sistema juridisiariu ha’u nia konfiansa ba sistema juridisiaria atu hala’o servisu ho di’ak para bele iha justisa ida ne’ebé iha ita nia rain,” katak nian.
Enkuantu, keixa ne’ebé antes ne’e hatama uluk ona iha Ministeriu Públiku, nia parte hetan ona notifikasaun hodi halo konfirmasaun tanba ne’e Eis Primeiru Ministru kontinua halo keixa ne’e.