Diretór Eskola Bazika Sentral 30 de Agusto, Baltazar Borromeu hatete, preparasaun EBC 30 de Agusto preparadu ho pursentu 80 ona, hodi hala’o ezame nasionál bazeia ba mátrikula ne'ebé simu hosi Ministeriu Edukasaun (ME).

“Husi EBC 30 de Agostu preparasaun ba ezame nasionál iha ne’e preparadu, prontu atu hala’o ezame” dehan nia ba jornalista INDEPENDENTE iha nia knaar fatin, Sesta (19/09).

Nia dehan, matéria hirak ne’ebé profesór sira preparaa ne’e, atinje ona pursentu 80 hodi realiza ezame nasionál.

Kona-ba fasilidade sira ne’ebé sei utiliza iha ezame nasionál, nia dehan, preparadu ona hodi hein ezame nasionál.

“Ami iha ne’e, sala hamutuk 36, maibé ami iha uza sala 31 de’it iha” nia afirma.

Alinde ne’e, Dirijente ne’e mós husu ba estudante sira, atu prepara aan didiak ba ezame nasionál ne’ebé realiza iha fulan-Outubro.