“Ami mos ko’alia kona-ba transformasaun Sistema seguransa ai-han iha Timor no saida mak ONU bele kontribui iha servisu ida ne’e,” dehan Reprezentante ONU, Funmi Balogunc, liu husi Komunikandu ne’ebé Online INDEPEDENTE asesu, Kuarta (18/09).

Nia dehan, servisu kooperasaun entre governu Timor-Leste ho reprezentante ONU iha Timor-Leste mak sei foku ba área haat (4), importante mak hanesan, Infraestrutura bázika, dezenvolvimentu ekonomia, kapital sosial no reforsa servisu institusional, kona-ba ninia implementasaun sei ajusta ba prioridade governu nian.
Nia hatutan, fahe mós informasaun kona-ba enkuadramentu servisu kooperasaun ONU nian iha Timor-Leste kona-ba dezenvolvimentu sustentavél foun ne’ebé sei implementa iha periodu 2025 to’o 2030 nian.
Iha enkontru ne’e, parte ONU la ko’alia kona-ba komitmentu finanseiru nian, maibe iha enkontru ne’e, parte rua foku liu ba servisu sira ne’ebé ONU halo atu fasilita hodi mobiliza rekursu ne’ebe bele komplementa ho rekursu finanseiru ne’ebe governu iha, liu husi mobilizasaun finanseiru sira husi ajénsia internasionál sira.

Entretantu, iha biban ne'e, Reprezentante ONU mos kongratula estadu Timor-Leste ne’ebe organiza ho susesu relasiona ho enventu boot rua hanesan Vizita Sua Santidade Papa Francisco nomós Sekretariu Jerál ONU António Guterres.