Diretór Exekutivu FONGTIL Valenten da Costa hateten, fulan hira liu ba kotuk governu liu husi Sekretariu Estadu Formasaun Profesional no Empregu (SEFOPE) loke vaga online ho Timor oan hamutuk 50 mill pesoa hodi hetan oportunidade ba servisu iha Australia.
"Ami konsidera aplikante hamutuk 50 mill pesoa aplika iha vaga online hodi hetan oportunidade ba servisu iha Australia, hanesan governu tenke seriu hodi buka ninia dala kria kampu traballu iha rai laran," Dehan Nia liu husi Via telefoni, Sabadu (31/12)
Problema sai bo'ot ba Timor oan sira buka oportunidade hodi hetan servisu ruma iha futuru ba ita nia rai, no desenvolvementu ba rai ida tanbá ho numeru bo'ot ba joven produtivu sira.
Joven produtivu kontinua ba servisu iha rai liur ida ne'e sai problema rekursu umanu ba futuru, tanbá aplikante sira ho numeru bo'ot joven sira idade produtivu hodi aplika vaga online sira barak lo'os.
Governu tenke hare'e dia-diak atu nune'e joven sira sira iha rai laran, no governu tenke hanoin oinsá atu kria kampu traballu iha ita nia rai laran tanbá joven produtivu ho matenek bele kontribui ekonomia iha Timor-Leste.
Ne'ebe mantein joven produtivu sira atu kontribui servisu iha rai laran, ne'ebe Governu bele desenvolve hodi oferese servisu ba ita joven sira.
Ami hanoin haruka joven sira ba servisu iha rai liur hodi kontribui ekonomia ba ema nia rai, ema fo ho numeru ne'ebé bo'ot hodi ba servisu iha rai liur.
Tanbá ne'e joven balun iha tempu ne'ebé eskola afeta ba sira nia oportunidade ba futuru , ita laiha rekursu umanu ho Kualifikadu hodi bele servisu ajuda iha nivel iha Timor Leste.
"Ami propoin ba Governu tenke kria servisu fo inisiativa bq grupu agrikultor ne'ebé iha atu halo buat ruma nune'e joven produtivu sira kria rasik servisu kontribui ekonomia iha rai laran," Tenik nia
Governu ho inisiativa kria rasik rai laran bele kontribui ekonomia, ne'ebe ami hanoin haruka joven sira ba rai liur la'os konsidera politika asoluta ba ita nia rai.
Joven sira kontinua ba servisu iha rai liur ne'e impaktu ba rekursu umanu ho Kualifikadu tanbá joven sira ho idade produtivu ne'ebé tau matan ba sira fo estudu ba sira eskola atu asegura iha futuru ba rekursu umanu iha Timor Leste.
Ho Kualidade diak bele kompete duke joven sira sai hotu ba rai liur , joven sira agora ne'e graduadu barak husi Universidade oi-oin atu nune'e governu bele tau seriu ba asuntu refere ne'e.
Governu tenke resolve problema kampu servisu ba joven produtivu sira ho idade ne'ebé sei Kiik atu nune'e sira la bele ba servisu iha Australia no Sul Korea.
FONGTIL iha tempu badak Koalia ho SEFOPE sira nia politika loke formasaun hodi oportunidade rai liur, diak liu joven sira buka oportunidade hodi servisu rai laran .
