Diretór Jéral MSSI, Florencio Pina Dias Gonzaga hatete, tinan ne'e, MSSI sei hare liu ba programa rua, inkluzaun Sosial no boa governasaun.
"Ha'u haree ba asuntu ida ligadu ho inkluzaun sosial iha pontus importante liu ba implementasaun estratejia protesaun sosial ne'ebé ita sei organiza di'ak iha tinan ida ne'e,”dehan nia ba Online INDEPENDENTE, iha knar fatin, MSSI Kaikoli, segunda ne’e (09/01).
Diretór ne’e hatutan, MSSI sei implementa programa sira ne'ebé kabe ba asuntu asisténsia sosial ninia no asuntu resjistrasaun komunitária atendimentu ba labarik, ligadu ho protesaun labarik no violensia bazeia ba jéneru no vuneravel sira seluk.
Enkuantu, total orsamentu ne’ebé MSSI aloka ba programa rua ne’e hamutuk milliaun $30.
Tan ne’e, MSSI garante katak sei implementa programa rua ne'e ho di'ak.
