Organizasaun hitu ne’e mak hanesan, AHDMTL, São João de Deus, Klibur Defisiensia Timor-Leste, Klibur Domin, Organizasaun AGAPE, Yosep no mós Madre Alma sira.

“Apoiu ida ne’e atu ajuda organizasaun sira no organizasaun sira ajuda Governu atu hala’o servisu ba iha inkluzaun sosial liga ho defisiésia sira nia nesesidade no oinsa atu promove sira sai protetor no promotor,”dehan nia iha Salaun MTK, Merkadu Lama, sesta (07/07).

Nia dehan, nune’e Governu nafatin asegura ema ho defisiénsia sira liu husi meius oioin, hanesan fó asistensia sosial, halo asestmentu atu intensifika ema ho defisiénsia sira ne’ebé ho nia kondisaun moris ne’e susar tebes. Atu nune’e sira bele hetan apoiu pontual.

“Agora ami simu ona rezultadu asestmentu liu husi relatoriu sosial, entaun ekipa sei halo avaliasaun ba iha prosesu sira ne’e atu identifika sé mak merese liu atu hetan apoiu pontual ne’e,”tenik nia.

Governu kontinua servisu hamutuk ho asosiasaun defisiénsia sira atu estabelese konsellu nasional bae ma ho defisiénsia sira no mós asegura atu implementa konvensaun direitu ba ema ho defisiénsia ne’ebé Estadu Timor-Leste ratifika ona.

Entretantu, molok ne’e, Diretór Jerál Solidariedade Sosiál no Inkluzaun, Florencio Pina Dias Gonzaga hateten, MSSI ho ISS hala’o asina akordu koperasaun atu bele implementa programa sira ne’ebé ligadu ho asuntu defisiénsia ninian, protesaun labarik vulneravél sira, atividade sentru komunitária no atendimentu ba vítima sira iha uma mahon.

Ba tinan 2023, alokasaun orsamentu ba ISS hamutuk dolar amerikanu tokon $1.4, maibé liu husi prosesu avaliasaun no diskusaun naruk ho instituisaun sira, konsege ezekuta tokon $1.3 resin no balansu sei iha dolar amerikanu rihun $500 resin.

"Alokasaun orsamentu ba Istituisaun hirak ne’e ninia total orsamentu sei la hanesan entre instituisaun ida ho instituisaun seluk, tanba depende ba sira ninia programa no atividades," dehan Diretor Jeral MSSI.