Ema Na’in Tolu Lakon Vida no Uma 653 Hetan Estagus Husi Dezastre Naturais Featured

By Ivonia Varela Jullu 10, 2023 314
Komunidade nia uma ne'ebe hetan estragus husi dezastre naturais iha Suku Zulo, Munisipiu Kovalima. Foto: Media Sosial. Komunidade nia uma ne'ebe hetan estragus husi dezastre naturais iha Suku Zulo, Munisipiu Kovalima. Foto: Media Sosial.

DILI: Durante semana ida nia laran, hahú husi loron 03 to'o 10 fulan-Jullu, Autoriedade Protesaun Sivil (APS) rezistu komunidade nia uma hamutuk 653 mak hetan estragus husi dezastre naturais, inklui ema na’in haat lakon vida.

Enkuantu, husi ema hirak ne’ebé lakon vida, na’in tolu hetan ona na’in ida seidauk hetan, nune’e ekipa Autoridade Protesaun Sivil kontinua buka tuir.

Diretór Relasaun Externa no Komunikasaun Anacleto Caitano hatete, tipu dezastre naturais ne’ebé akontese mak hanesan, rai-halai, inundasaun, ai-han no mota boot hodi estraga mós komunidade sira nia plantasau iha toos no natar sira.

Nia esplika, akontesimentu rai halai iha Munisipiu Kovalima afeita ba komunidade nia uma 170, Bobonaro uma 66, Manufahi uma hitu (7), Ainaro Uma neen (6), Manatuto uma haat (4), Ermera Uma rua (2) Baukau uma rua (2), no Vikeke Uma ida (1).

Enkuatu, udan boot akontese inundasaun afeita ba komunidade sira nia uma iha Munisipiu Kovalima hamutuk uma 384,  Ainaro Uma sanolu (10), Manufahi 114, Vikeke 15.

Nune'e m’os, akontese ahi-han uma iha Munisipiu ahi-han uma ida (1), Lautem uma rua (2), Vikeke uma ida (1) no Rejiaun Administrativa Espesial Oekussi Ambeno (RAEOA) uma ida (1).

Aleinde ne’e, anin-boot sobu komunidade nia uma iha munisipiu Ermera sobu uma ida (1), Lautem uma ida (1), Vikeke uma ida (1).

Iha sorin seluk, tasi sa'e komunidade nia uma rua iha aldeia Beto-Tasi, Suku Madohi, Postu Administrativu Dom Aleixu Munisipiu Dili.

“Ema na’in tolu ne'ebé lakon vida kauza husi mota lori kompostu husi Munisipiu Bobonaro na’in rua (2), Ainaro ida (1). Enkuantu estudante ne'ebé mota lori iha loron loron tolu (3) fulan-Jullu to'o agora seidauk hetan,”dehan nia iha Salaun APC Kaikoli, segunda (10/07/23).

Nia hatutan, estudantes ne'ebé mota lori iha segunda semana kotuk to'o agora seidauk hetan, tanba ne'e Autoriedade Protesaun Sivil hamutuk ho seguransa no komunidade sira nafatin buka tuir.

Entretantu, vítima sira ne'ebé hetan dezastre naturais APS fó hotu ona apoiu emerjensia  aihan no mós la’ós aihan.

Rate this item
(0 votes)

Independente Digital TV