Vitima Uma Kain 789 Sei Hetan Apoia Rekuperasaun Featured

By Ivonia Varela Jullu 10, 2023 332
Diretór Relasaun Externa no Komunikasaun Anacleto Caitano. Foto:Dok/INDEPENDENTE. Diretór Relasaun Externa no Komunikasaun Anacleto Caitano. Foto:Dok/INDEPENDENTE.

DILI: Diretór Relasaun Externa no Komunikasaun Anacleto Caitano hatete, komunidade nia uma ne'ebé hetan estragus husi dezastre naturais durante fulan neen (6) nia laran hamutuk 1.852.

Nia dehan, vítima hirak ne'e totalmente hetan hotu ona apoiu emerjensia hanesan aihan no la’ós aihan.

Husi dadus ne'e, ekipa APS halo fila-fali reverifikasaun no iha de'it uma 789 mak kategoriza atu hetan apoiu rekoperasaun ka material konstrusaun.

"Husi dadus ami nia ekipa APC halo fila-fali reverifikasaun hodi kategoriza ba kategori tolu hanesan, aat total iha uma 264, aat naton 159 no aat kaman 366, mak kategori ba rekoperasaun" dehan Diretór iha Salaun APC Kaikoli Segunda (10/07).

Diretór afirma, maibé uma hirak ne'e ekipa APC sei halo tan reverifikasaun hodi hare rai ne'ebé atu konstrui uma ba tenki dook husi fatin risku, fatin proividu no tenki rai privadu.

Entretantu, ema ne’ebé lakon vida tuir dadus ne’ebé APC rejista durante fulan neen (6) hamutuk 24.

Tanba ne’e, APC nafatin alert aba komunidade sira atu kuidade aan bainhira hala’o viajen ba fatin ruma.

Rate this item
(0 votes)

Independente Digital TV