"Tinan 5 nia laran, Fokupers rejista kazu violensia domestika hasoru fen hamutuk 557, no 301 kazu violénsia seksuál hasoru feto no labarik feto. Durante tinan 5 ne'e nia laran, feto na'in 5 mate tanba Violénsia doméstika, violénsia husi laen, no labarik-feto ida mate tanba violénsia seksuál no violénsia fiziku iha uma laran," informa Portavós Fokupers, Lúcia Fatima da Silva ba Jornalista sira iha salaun Fokupers, (27/11).
Nia dehan, objetivu kampañia loron ativizmu kontra violénsia hasoru feto no labarik feto, tanba violénsia kontínua buras iha ita nia rai.
"Hamutuk ita halo Mudansa, ba violénsia hasoru feto no labarik feto volensia ba feto kontinua buras iha ita rai,okupasaun hotu ona, maibé kanek sira seidauk maran,"nia dehan.
Nia afirma kanek sira seluk mosu tan feto nafatın mak sai vitima ba violénsia iha tinan 1975 to'o 1999 Relatóriu husi Chega rejista feto liu atus ualu (800) hetan ona violasaun seksuál durante tempu okupasaun iha Depois de ukun.
"Situasaun violénsia sei kontinua hafalun feto no no labarik feto nia moris, 33% feto ho idade 15 to'o 49 esperiénsia ona Violénsia husi sira-nia parseiru moris, ne'e signifika feto na'in 1 entre na'in 3 hetan Violénsia iha nia moris,"nia nia afirma.
Nia informa violénsia ne'e la'os de'it akontese ba feto adultu, maibé feto hasoru violénsia hahú kedas husi bainhira sei labarik.
"Iha dadus DHS hatudu mós 66%, feto hetan ona esperiénsia abuzu fiziku, no 24% feto hetan esperiénsia abuzu seksuál bainhira sei labarik. Organizasaun fornesedór servisu asisténsia ba feto no Labarik-feto sira, inklui polísia VPU, loron-loron simu keixa no fo asistensia ba feto no labarik-feto sira neʼebé sai vítima ba violénsia bazeia ba jéneru,"nia informa.
Nia hatutan, violénsia hasoru feto no labarik-feto Kontinua sai retratu ba feto sira, hatudu momos situasaun problema sosiál bo'ot ne'ebé todan iha feto nia moris liu husi meiu ida ne'e, ho ambitu kampaña loron 16 ativizmu kontra violénsia hasoru feto no labarik-feto.
"Fokupers bolu nafatin ita hotu-hotu nia atensaun, atu ita hotu hamutuk halo mudansa ba Timor-Leste, ida ne'ebé hakribi violénsia hasoru feto no labarik-feto. Ita hotu nia responsabilidade hodi halo asaun ne'ebé bele kontribui ba paz iha família, sosiedade no nasaun hodi hatete no halo hamutuk mudansa,"nia hatutan.
Nia haktuir, hamutuk ba mudansa liu husi muda liafuan, atetude no hahalok neʼebé suporta violénsia oinsá kumpre vitima sira nia direitu, hodi asegura sira asesu lalais ho adekuadu ba servisu rekuperasaun.
"Akompañamentu legál no justisa, hamutuk ba Mudansa, hapara impunidade, ejize responsabilidade ba autór violénsia sira hamutuk ba mudansa estabelese toleránsia zero ba violénsia hasoru feto no labarik-feto sira, halo investimentu ho seriedade iha pervensaun no responde sedu ba Feto moris la iha diskrimasaun no violénsia mak sei kontribui ba familia nia haksolok no saúdavel,"nia haktuir.
Nia esplika, feto nia moris la iha violénsia sei kontrubui ba komunidade no sosiedade sira nia moris iha armonia no dame, tanba feto nia moris la lha violénsia mak hatudu loloos ema nia fiar ne'ebé sai hanesan kultura.
"Feto nia moris la iha violénsia mak sei hamenus taxa mortalidade inan neʼebé la'os kauza husi moras loloos no hamenus gastus orsamentu estadu ba tratamentu saúde, feto nia moris la iha violénsia mak sei hametin ekonomia familia no nasaun, feto nia moris laiha violénsia mak atinje loloos nasaun ne'ebe moris iha igualdade no respeita direitus umanus no feto nia moris la iha violénsia mak sei hatuur aliserse ne'ebé metin iha familia, komunidade, sosiedade no nasaun"nia esplika.
Nia subliña iha kampaña Loron 16 ativizmu kontra violénsia hasoru feto no labarik feto mak iha loron 25 Fokuper sei lansamentu kampaña violénsia hasoru feto mak forma viólasaun direitu umanu liu husi lansa plataforma foun website Fokupers,"nia subliña.
Iha loron 26 fulan Novembru mensajen proteje feto no labarik feto husi VBJ, hafasil asesu ba rekuperasaun no justisa ba vitima VBJ iha facebook, 27 Novembru 2024 Konferénsia imprensa 28 novembru, proklama hamutuk Chega ba Violénsia bazeia ba jéneru, husi facebook 29 Novembru 2024, Loron internasionál ba defensór direitus umanus feto international day for women human rights defender, "Feto mak Futuru, liu husi facebook, loron 1 dezembru Loron AIDS International-Proteje feto-inan, feen no oan nia saúde husi AIDS,loron 2 Dezembru, loron Internasionál da Aboliasaun Escravatura, loron 3 dezembru hanesan loron Internasionál ba ema ho difiséisia, loron 4 dezembru loron internasional direitu ba rai no proviedade, loron 5 dezembru, loron internationál ba voluntário, 6 dezembru, loron zero toleránsia ba violénsia hasoru Feto,7 dezembru,loron invasaun, 9 dezembru human rights defenders day , diálogu públiku ho foinsa'e hamutuk ita prevene no hapara violénsia hasoru feto hodi promove igualdade jéneru no asegura feto-nia direitus umanus liu husi empoderamentu ekonomia, 10 dezembru kongresu Feto Nasional ba dala VI, mai hamutuk prevene no hapara Violénsia hasoru feto no labarik-feto.
