Ikan ho toneladas 2.4 peskador sira kail iha  area parte Lautem nian to’o Kosta Sul Lore, Tutuala no Iliomara.

Ministru Agrikultura, Pekuaria Peska no Floresta, Marcos da Cruz hatete,   Ohin governu mai hamutuk iha Suku Com, ho objetivu dahuluk atu halo deskaregamentu ba ikan ne'ebé durante loron rua.

“Ita nia peskador sira kaer iha territoriu tasi nia iha area Com ba to'o iha Ilomar nian," Dehan Ministru Agrikultura, Pekuaria Peska no Floresta, Marcos ba Jornalista iha Suku Com, Kuarta (27/11).

Ministru Marcos dehan, fo testamuna katak peskador sira nia ro hamutuk 23 no sira kaer ikan hamutuk 2.4 toneladas, tanbá ne'e ikan bo'ot deit ho diak ne'ebé mai halo atividade ida ne'e antes halo deskaregamentu ba ikan ne'ebé kaer durante loron rua nia laran.

“Da-ruak objetivu atu  mai promove no apresia ho rekonesimentu ba peskador sira nia servisu hodi kaer ikan, tanbá ita hatene peskador nia servisu todan no hasoru dezafiu barak iha tasi laran,” Nia hatete.

Nia relata, hanesan peskador sira tenke tahan loron manas, rai malirin no tasi nia laloran no sira seluk  hodi sira kaer ikan iha tasi laran.

"Nune'e ha'u mai hamutuk Sekretariu Estadu Peska, Sekretariu Estadu Floresta, Sekretariu Estadu Kooperativa (Sekoop) no mos SEFOPE ho Prezidente Autoridade Munisipiu Lautem ami fo presu saida mak sira halo iha ne'e,” Nia informa.

Nia informa, bainhira koalia kona-ba atu aumenta produsaun ikan, maibé peskador mak sai fator determinante hodi kaer ikan iha tasi laran, mai atu hare'e rezultadu servisu hodi hatudu sai ba publiku katak ita nia tasi ne'e sai duni fontes rendementu ekonomia ida.

“Ne'ebé ita presiza dezenvolve aleinde ne'e mos ita mai dialogu  ho sira  hodi rona sira nia difikuldade ho  desafiu no mos sira nia hanoin balun ne'ebe fo mai governu oinsá bele ajuda hodi aumenta produsaun kuantidade  ikan. Oinsá atu halo jestaun diak, depois deskaregamentu nune'e ita iha kualidade ikan  diak nafatin bainhira lori to'o ba merkadu, aleinde ne'e iha programa merenda eskolar tanbá eskola sira ne'e iha osan,” Nia afirma.

Depois merkadu iha Dili tanbá ne'e iha ema balun Kontratu ho sira  no mos sosa ikan balun maibé sira fo sira langanan, mais ohin sira konta kuantidade hamutuk 2.4 toneladas.

“Ita servisu hamutuk hodi atinji ai-han ikan hodi fornese ai-han ne'ebé barak ho kuantidde nutritivu no substentavel ba bei-beik, atu nune'e la bele para iha ne'e,” Tenik nia.

Kona-ba fahe la'os foin Primera ves desde uluk tempu Indonesia nia , to'o agora ukun a'an mais nia rezultadu ne'e iha, maibé so fan no han iha area deit ho folin Kiik.

"Depois ita seidauk ajuda peskador sira nia vida, ne'ebé ita mai hamutuk iha ne'e hodi fo rekonesimentu ba servisu todan ne'ebé peskador balun iha tempu naruk to'o ohin loron,” Kata nia.

Nia fundamenta, oinsá  hanoin ba oin atu produs mais buka meius hodi hakman  peskador sira nia todan atu produs ikan substenta fámilia uma laran, maske servisu todan, maibé hatudu rezultadu  ikan bo'ot deit.

“Peskadór iha Com hamutuk 23 ne'ebé ohin hatudu deit ro tolu deit, sira seluk lori ba deskaregamentu ba fatin uluk ho sira nia langanan sira,” Nia Konklui.