Koordenador Rede Ba Rai, Pedrito Vieira hatete, durante tinan tolu nia laran Rede Ba Rai konsege rejista kazu hamutuk 180 ne'ebe keisa husi komunidade.
"Kuaze tinan tolu nia laran ami rejista kazu 180, ida ne'e disputa rai,maibe Rede ba Rai halo mediasaun entre komunidade ho komunidade. Ami mós halo advokasia fo atensaun makas liu ba disputa entre governu ho komunidade sira," dehan nia ba Jornalista sira iha Farol, (27/01).
Tanba prosesu julgamentu kuandu lao la ses husi konflitu liga ho asesu ba rai entaun keisa barak tama iha ne'ebé kuaze territoriu tomak ne'ebe liga ho Ministeriu Justisa.
Keisa barak ne'ebe tama mak liu-liu bainhira governu alarga estrada tanba durante Rede ba Rai akompaña la signifika governu laiha direitu atu asesu ba rai hodi halo dezenvolvimentu maibé tenke aprosimasaun oinsa atu foti komunidade sira nia rai presiza halo komunikasaun di'ak.
Nia dehan,Bainhira Atu komunidade sira sai husi rai presiza estadu tenke garante komunidade sira Bainhira komunidade sira ses husi rai no hela fatin para governu halo Dezenvolvimentu.
Husi Numeru ne'e Rede ba Rai konsege hatama ona dokumentu ba Tribunál to'o hetan solusaun no balun kontinua halo advokasia konsege kazu balun trava hanesan;kazu boot Ne'ebe governu anterior planu atu harii Universidade iha Munisipiu Aileu.
Kazu Aeroportu Comoro ne'ebe Komunidade sira barak hetan afetadu,kazu iha Metinaru ne'ebe mós Timor Gap atu foti hodi halo Armajenamentu Kombustivel nian maibe tanba keisa tama husi Komunidade besik Uma kain 50.
Maibé Tanba esforsu husi Rede ba Rai halo advokasia entaun projetu ne'e seidauk bele implementa tanba komunidade ne'ebe atu fo rai,governu mak seidauk halo advokasia di'ak bainhira fó kompensasaun.
"Entaun ema barak lakon sira nia rai la ho Kompensasaun,ida ne'e mak durante ne'e halo," tenik nia.
