Xefe Seksaun Relasaun Externa-APS, Nelson Nunes de Orleans hatete, durante semana ida APS rejistu komunidade nia uma ne’ebé hetan estragus husi dezastre naturais hamutuk 181, iha teritóriu laran tomak.
“tipu dezestre ne’ebé rejistu iha tipu tolu, hanesan rai-halai, anin-boot sobu uma no ahi-han uma,” dehan Xefe Seksaun liu husi konferensia imprensa iha sala APS Kaikoli, Segunda (29/01).
Nia esplika, dezastre ne’ebé APS rejistu ho tipu ahi-han uma, Munisípiu Baukau ahi-han komunidade nia uma tolu (3), Kovalima haat (4), Manatuto rua (2), Manufahi ida (1), Vikeke rua (2) no Rejiaun Administrativa Espesiál Oe-Cuse Ambeno (RAEOA) ida (1).
No rai-halai estragus komunidade iha Munisípiu Bobonaro estragus komunidade nia uma hitu (7), Ermera haat (4).
Nunee mos anin-boot ne’ebé estragus komunidade nia uma iha Munisípiu Aileu uma rua (2), Ainaro neen (6), Baukau sanulu (10), Bobonaro 12, Kovalima sia (9), Ermera 17, Lautem sia (9), Likisa 31, Manatuto haat (4), Manufahi tolu (3), RAEOA 44 no Vikeke 11.
Xefe Salienta, vítima husi dezastre naturais ekipa husi APS halo apoiu emerjénsia hanesan ai-han no la’os ai-han (food item no laos food Item).
Kona-ba rekuperasaun ekipa APS Nasionál no Munisípiu sei halo re-verikasaun hodi identifika ba kategori asira hanesan aat kaman, aat natoon no aat totál.
Enkuantu, iha fulan Janeiru hahú loron 1-29 nia laran Autoriedade Protesaun Sivíl (APS) rejistu komunidade nia uma ne’ebé hetan estragus husi dezastre naturais hamutuk 701.