Sekretariu Estadu Floresta (SEF), Eng. Fernandino Vieira da Costa hatete, Corpu Guarda Floresta (CGF), sira tenki prende no hapara ema illegal sira ne’ebé kontinua estraga ai horis no biodiversidade sira, maibé atu proteje riku soin ailaran tuan sira, hodi bele kontribui ba dezenvolvimentu rai laran.
“Atu proteje ita jia ai orijin ne’ebé moris, liliu iha fatin risku ba rai monu no foho lolon sira, husu ba entidades hotu tenki iha konsiénsia moral labele tesi ai arbiru no labele uza rekursu natural tuir ninia hakarak, ne’e labele,” dehan komunikadu ne’ebé Online INDEPENDENTE assesu iha pajina ofisiál SEF, segunda (30/01)
Nia afirma, Corpu Guarda Floresta (CGF), tenke asegura riku soin sira atu nune’e, Governu bele jere ho didiak hodi bele fó sustentabilidade ekonomia moris diak povu no nasaun.
